話說, 我同屋企人都幾鐘意食日式石燒, 除左可以自己控制肉既生熟程度外
亦都覺得新鮮熱辣辣咁食 係最好味 ~
(如果食到中/尾段覺得熱石板熱度唔夠, 記得要搵店員更換啊)
之前食親都要出到港島先有.. 今次真係好驚喜 發現左呢間大埔小店!!
有石燒之外, 連呢排好hit既吉列牛都有啊竟然 !!
店仔細細 但原來係有2層架~ (聽到員工帶客人上樓上個層)
雖然有2層… 但… 大家都係要早D黎食.. 我同媽媽呢晚6:30pm黎食
餐廳都已經坐滿左8成喇… 之後見到唔少客人黎到已經要等位🥶
本來以為小店經營 食物方面會好少選擇, 點知又唔係喎~
都真係有幾多款下, 除左唔同肉部位既定食外, 小食都有好多款
同港島區既石燒店有得揮
一坐低 員工就奉上熱茶, 係真係好夠熱既熱茶啊~~
呢樣野看似小事, 但我同媽媽都覺得一杯熱茶係好重要~ 絕對會影響食成餐既胃口架
餐廳似係走日式酒吧既裝修風格, 但同時牆上又掛滿好多懷舊既日本電影poster! 幾有feel ~~
等左大約15分鐘左右, 我地既食物就送到喇 : )
美國頂級吉列牛小排定食$178
(包:: 溫泉蛋, 潰物, 花鰹魚湯, 稻荷飯 )
估唔到全部野都勁大份啊 !!! 而且見到吉列牛既紋理分佈得平均又靚呢
總共有9片吉列牛 !! 份量實在係比想像中多好多啊 !__!
炸粉一D都唔會厚, 係薄薄既一層包住牛肉, 燒到7成熟左右我地就食喇
肉質好軟腍! 而且感覺唔算太熱氣 不錯啊
不過明顯食得出店家無添加額外調味, 所以附上左玫瑰岩鹽同日式燒汁比我地
我覺得吉列牛既話 同玫瑰岩鹽襯D呢~~
然後.. 想講連配料紫薯粒, 洋蔥, 南瓜同枝豆都可以燒得好香~ 唔好miss左佢地呀: )
店家教落, 溫泉蛋係要撈落稻荷飯度食架 ! 飯配上日本製既飯素, 再加埋腐皮同溫泉蛋, 層次幾豐富~
(同埋真係好大碗.. 食晒會好飽)
然後, 花鰹魚湯感覺無乜味精, 幾清香天然, 不錯
百幾蚊有咁既份量同質素真係高性價比, 難怪時間咁早都已經咁多人黎食…
下次再黎, 應該都會encore呢一個 XD
奧馬哈黑安格斯沙朗牛扒定食$238
(包:: 溫泉蛋, 潰物, 花鰹魚湯, 稻荷飯 )
呢個 比想像中再好食好多… 首先, 份量又係 估唔到有咁多
呢個什至仲多過吉列牛呢
然後, 好鐘意佢既juicy口感啊~ 每一啖都食到好多肉汁!!
但大家都要記得唔好overcook佢, 佢切到好細件, 所以真係分幾鐘就會熟架喇
口感好好, 而味道方面可以沾日式燒汁 令佢再突出D~
食到尾 見到有唔少人都有叫到芝士餃子
可惜我地已經太飽… 完全食唔落… 同埋睇menu見到呢度有lunch set
下次會再黎試啊!
整體黎講 呢度性價比算係幾高, 因為出親去食石燒無返3百幾都唔得
而呢度竟然二百蚊樓下都有交易, 質素亦都唔比出面差
加上員工服務好周到, 你會見到雖然佢地好忙 因為真係好多客
但佢地會盡量滿足你要求, 覺得係幾值得黎既街坊日式小店!
p.s. 全日免收加一呢~~
店家: The Cowboy House
地址: 大埔東昌街2號地舖
G/F, 2 Tung Cheung Street, Tai Po
電話: 55015178
營業時間: 星期一至四
Openrice主頁Here
沒有留言:
張貼留言
歡迎留言分享 : )