佢地就帶左我黎一間令我好有驚喜既小店:: 愛.添Appétit
話說佢位於比較舊既井財街位置, 但係裝修好有風格同新淨✨
所以都幾搶眼, 好易搵到~ (重點當然係有屯門人帶路啦🙈🙈)
第一個驚喜係岩岩講既店面風格, 而第二個驚喜就係佢食物既種類同款式, 超級多 (同吸引!) !!
覺得佢都走偏新式台風既路線, 不論梳芙厘pancake定waffle都有得揀珍珠奶茶味.. 仲要係配埋芋圓同地瓜圓架 ! 🍠
甜品多款之外, 估唔到都有供應台式小食啊!
而飲品方面除左有一般既梳打, smoothie之外, 亦都有奶蓋飲品 ! 🧀 (店員話係新推出架~)
由於呢度既梳芙厘班戟款式比較特別.. 係其他甜品店好少會有, 所以我地揀左最signature個兩款黎試試~
炙燒焦糖布蕾日式梳芙厘班戟$82
先黎既係呢個, 賣相好精緻~ 急不及待襯熱品嚐啊 ! 🥞
面頭的焦糖脆燒得夠焦香, 又薄又脆的一片, 加上微甜的焦糖香, 水準以上啊
而主角梳芙厘班戟本身 口感做得夠鬆軟, 又有少少輕飄飄既感覺, 整體口感不錯
味道方面有焦糖布丁既香甜, 而且甜度都幾適中唔過甜, 很light的一份甜點🍮
Oreo起司蛋糕巧克力流心日式梳芙厘班戟$88
話說呢一份既朱古力漿係流心架呢~ 雖然流心效果唔算澎湃, 但係食得出佢非常流質的質地, 又香滑 (我地一致覺得呢份什至比焦糖布蕾味更加好食!!) 🍫
面頭淋上香甜忌廉同Oreo碎, 三者夾埋一齊口感同味道都好豐富啊!
(要襯Oreo碎仲係脆身時快快食啊 )
話說只要叫日式梳芙厘班戟就可以有飲品-$10的優惠~
朋友叫左:: 藍。蝶豆花玫瑰荔枝梳打$30->$20 (梳芙厘班戟加配可-$10)
顏色同漸層都做得超夢幻~ 🦋蝶豆花本身其實無乜味, 所以主力都係飲到玫瑰荔枝既清香味~
而且同梳打既比例都幾平均啊, 唔會一味得個甜字, 混合返適量既梳打令到一整杯都夠清新~ (配甜品一流 可以解解滯) 🌹
愛。莓芝芝$42->$32 (梳芙厘班戟加配可-$10)
呢杯係我既 ^^~ 我承認係比佢既外貌吸引而叫既, 但味道其實都唔遜色
成杯都充滿天然既草莓香甜味, 仲有少量士多啤梨果肉片🍓
面頭加左奶蓋令到一整杯口感更加濃厚, 不過芝士既咸香味就唔算太突出
另一位朋友叫既 芒果椰奶冰$38
成杯都係由椰奶加牛奶製成, 無額外加糖份, 所以亦唔會過甜呢🥛🥥
然後 我地仲加左份 珍珠奶茶窩夫$68 (下次想試埋芒果斑蘭味>v<”)
其實呢度既窩夫仲有得自由配 (自己揀窩夫/奶油/配料/雪糕口味)
不過懶惰既我地就直接叫左店家推薦既珍珠奶茶味😂
份量都幾大下… 有4大片厚厚既奶茶味窩夫.. 無錯, 係連塊窩夫都係奶茶味架唔只面頭既奶油係…
想講奶茶味係真係好濃郁 !! 朋友話感覺自己將一杯奶茶食緊落肚咁XD
不過窩夫既質地就略嫌唔夠鬆軟, 什至有少少太厚實既感覺, 食完呢份一定會飽啊😂 真係要同朋友share 😂
我地幾個人, 仲叫左3款台式小食~ 平衡返岩岩既甜食.. 分別有::
臺式塩酥雞$32, 酥炸雞軟骨$36, 香焗蜜糖雞中翼$36
其中我最鐘意既係雞軟骨啊😋
炸得香脆 但仲keep到個juicy, 醃味亦都到位, 夠咸香又唔過火
蜜糖雞中翼都焗得剛剛好啊, 同埋D雞翼都幾大隻XD 但蜜糖控表示如果再淋多D蜜糖就好喇🍯
食完呢餐甜品真係超滿足喇.. 見到佢仲有其他款既小食… 例如手抓餅同烏龍麵!!
覺得下次可以正接黎食正餐+甜品都應該夠飽😂
整體覺得呢度既甜品設計好有心思, 款式貼得上潮流得黎, 味道真係做得有水準
如果窩夫texture可以再加改良既話 會更加好!
咸食款同埋飲品都做得不錯, 會令人好期待下次黎又有咩新品 : )
店家: 愛 . 添 Appétit
地址: 屯門井財街15號金銘大廈地下3號舖
Shop 3, G/F, Kam Men Mansion, 15 Tseng Choi Street, Tuen Mun
電話: 34604203
營業時間: 星期一至四16:30-2:00, 星期五15:30-2:30, 星期六至日15:00-2:30
Openrice主頁Here
沒有留言:
張貼留言
歡迎留言分享 : )