叫小籠包送片皮鴨!!!! [大角咀-霸王山莊]

全文重點1: 叫小籠包送免費片皮鴨!!!!
全文重點2: 此優惠已結束


霸王山莊既片皮鴨同風沙雞, 一向係我既至愛!♥

而家黎左大角咀返工, 更多機會黎食飯~~~
不過今晚黎既主要原因 係因為突然見到facebook先知道佢做緊一個叫小籠包就送片皮鴨既大優惠! $v$!!

只要係指定既6個星期一,二晚上叫一客價值$40既小籠包+facebook like & share
就送你價值$198(半隻:四位或以上)/$368(全隻:八位或以上)既片皮鴨
抵到爛♥$♥$♥$♥$♥


其實佢既食物overall價錢都合理... 最貴個樣都係片皮鴨


呢隻好緊要既霸王小籠包$40/4隻 XDD
個人覺得小籠包都係翡翠好食D~ 呢隻係不過不失

其實飯類黎講 呢度既霸王炒飯係最好食!! *v*
不過唔知點解最近兩次黎都心血來潮想食乾貝蛋白炒飯$86...
呢個炒飯飯粒分明, 偏乾身 唔會油膩~ 而且瑤柱, 蛋白同菜粒都好多 所以每一啖食到既層次都豐富 *v*
(不過下次黎一定一定要叫返無得輸既霸王炒飯\___/)


今晚既主角黎啦!!!! *v*!!! 免費既北京烤鴨(半隻)原價$198
本身都有一刻擔心過... 咁著數 會唔會比d低質素既鴨我地...
不過上枱個刻就知道自己諗多左喇T__T 根本同平時一樣咁正!! T__T
今次呢隻烤鴨相對黎講無咁多肥肉, 岩晒愛健康又為食既我地!
肉雖然唔太肥, 但無減鴨脂既香味~~~ 肉質鮮嫩, 我覺得唔用薄餅皮包黎食已經好好好正喇!

除左平時有既配料之外, 今次仲加左蜜瓜條, 哈蜜瓜條同菠蘿條!! 我個人就將佢地分開食XDD 因為覺得唔係好夾
但同行友人反而覺得包埋一齊食好夾 仲可以減淡烤鴨既油膩感
Anyway~~ 呢份免費烤鴨真係好正! 水準以上♥

好失策咁 叫左好多包點類... 結果係食唔晒...
霸王生煎包 $38 底部煎得又酥又脆~~ 咬落除左充滿豬肉既肉汁之外 亦有淡淡既蔥香!


香煎羊肉餅 $48 呢個羊味唔係太出
同埋有少少過油.... 有改善空間~
見到佢另外有個叫香煎安格斯牛肉餅...下次想試呢個~

幾乎每次黎都會叫 雪城高力豆沙 $48
要預返時間等...即叫即製 熱辣辣上枱 但次次都係幾秒內就消失晒~XD 外層既蛋白皮一如既往咁軟綿綿
好似一層雲咁包住d熱辣辣既紅豆蓉咁XDDD

薑汁小湯丸 $38
其實已經好飽.... 不過見到佢d甜品幾抵叫咁又叫多個lolll
係我至愛既芝麻餡湯圓 芝麻味濃 外皮又薄又滑~~~
如果唔係咁飽既話可以食多粒~~ >v<"

呢餐真係好抵食呢~~~ 以後要密切留意下佢幾時再會做promotion!!!^3^
呢度既環境都唔錯 樓底夠高 坐得舒服
唯一需要改善既係服務態度, 有d員工一副好唔願意做既樣...
落單時亦唔好禮貌, 影響客人心情 \ . / !

店家: 霸王山莊 Kings' Lodge
地址: 大角咀海泓道1號奧海城三期UG98號舖
Shop UG98, Olympian City Phase 3, 1 Hoi Wang Road, Tai Kok Tsui
電話: 2673 1266
營業時間: 星期一至日 11:30-16:00, 17:00-23:00
Openrice主頁Here