麵包餅乾控一定要到的嘉頓咖啡店 [深水埗]

食左嘉頓既麵包同餅乾咁多年...都唔知原來佢係有間Cafe架!!
位置就係佢位於深水埗既烘焙中心入面*v*
身位麵包控麵乾控, 一定要去朝聖!!! *****v***** (太興奮!!!!)




入餐廳之前有個細細地既area簡介返嘉頓既歷史.. 不過今日趕時間, 直接skip左個part入左去cafe食野 =D
而餐廳入面都擺放左各式各樣嘉頓既product~~
比起出面買會平少少.. 不過我見個價錢差距都唔太大, 就無特別係呢度買了~

仲有出售嘉頓品牌既紀念品! 最吸引既都係佢既signature格仔紋product~~

睇返食物~ 主要食物種類有鬆餅/蛋糕/餡餅/撻...
而飲品就只有最基本既選擇: 咖啡, 朱古力, 奶茶, 紅茶同鮮奶
而只有鮮奶係可以揀凍飲~


單係睇樣已經覺得個酥餅會好正 XDD ~
本來都想揀埋pancake... 但見到佢咁樣煎好晒放係度又好似唔係太吸引...

相信係每個人心入面都曾經夢寐以求既旋轉蛋糕櫃*v*!!!!
見到顏色鮮豔又大大件既蛋糕.. 的確令人不期然對佢抱好大期望~~~ XDD 就好似會食到夢想入面最完美既蛋糕既味道咁~
haha... 旋轉蛋糕櫃既魔力實在係太大喇 *w*
相信如果有小朋友黎到見到既話會更加開心 : )


香腸酥餅 單點$9 (唔知點解配餐要$30.. 貴過用蛋糕配餐*0*)
黑森林蛋糕 配熱朱古力 $35 (單點價: $25)


先試下腸仔酥~~~ 呢個好味道 !!! 雖然唔係即叫即製 而係微波爐加熱
但酥餅又鬆化又多層..即使叮熱後仍然保持軟熟!
每啖都有淡淡既牛油香~ 可以encore!


蛋糕卻令我失望... : ( 
黑加侖子啫喱粒既份量過多 而且雪到結左霜..
Cream都多左少少.. 食到尾都滯滯地 (係滯..但係唔飽)
估唔到賣相咁靚既蛋糕質素竟然咁一般.... 希望其他口味唔會都係咁啦...

最後係熱朱古力~~ 紙杯印有signature藍白格仔紋實在太有feel!
朱古力比起自己沖既更濃更滑 唔錯~~~

總結 其實係件黑森林蛋糕有d期望落差... 其他野都幾滿意~
而且因為係嘉頓, 一個陪伴香港人成長既品牌 感覺特別有親切感!
價錢亦都好合理.. 所以.. 如果黎開深水埗, 我相信我都會再黎幫襯既! 

店家: 嘉頓咖啡店
地址: 深水埗青山道58號嘉頓烘焙中心地舖
G/F, Garden Company, 58 Castle Peak Road, Sham Shui Po
電話: 2720 1055
營業時間: 星期一至日 8:30-18:00 (公眾假期休息)
Openrice主頁Here