有點名過其實的Burgerman [大角咀]

每次黎親大角咀都會見到呢間好吸睛既小小漢堡包店
不過今次黎食完之後 發現除左店面細, 佢既食物份量原來一樣細T____T

Regular既漢堡包有11款, 價錢由最低$58至最貴$130不等!
不過呢個價錢係唔包任何飲品/小食等等
想加配罐裝汽水同薯條/薯格/沙律既話, 要另加$20
(如果唔想飲汽水既話, 佢都仲有一d道地茶同埋其他果汁選擇, 只係要再加錢......$_____$)

除左regular款式之外, 佢都有提供一d再premium d既款既..
例如價值$158既特級龍蝦配安格斯牛肉漢堡/$98既特級黑松露漢堡, 等等...
對於只係想平平地食一餐好好地既lunch既我地, 呢d都唔列入我地考慮範圍之內XDDD
(而且我地都諗緊 將龍蝦同牛肉放埋一齊.. 真係會夾???)

同事叫既 經典芝士漢堡$58, 配餐+$20, 轉道地解茶+$8
原來咁樣加下加下d錢都八十幾蚊@0@ 已經足夠叫一個好d既漢堡有找............. 但係無辦法 因為我地大家都唔鐘意飲汽水..

如圖中可見 漢堡既包身較厚 (尤其係底部塊包)
因為係即叫即製 所以成個包熱辣辣 味道都唔差既
不過對個牛肉唔好有任何期望... 佢餐牌都寫明呢一款既牛肉係Mixed beef.... 唔係咩靚肉黎...不過食落覺得有少少豬肉味混集左係入面...

令人安慰既係佢既薯格係好味既~~~ 夠大塊夠香脆~~
加上佢枱面已經放置左幾款唔同口味既醬汁比你自助點!

而我叫既係特色燒大菇漢堡$58, 配餐+$20, 轉Arizona Lemon Iced Tea+$15
大啡菇係一樣永遠唔會令人失望既健康食物~
多汁軟熟加埋濃郁既蘑菇香, 同好多配料夾埋一齊都會係絕配!
不過呢個漢堡除左大啡菇好juicy外, 似乎都搵唔到咩特色...
其他配料味道都唔出....無乜特別..

佢個沙律份量反而唔少 可惜唔係我鐘意既口味
佢落左唔少蜜糖芥末醬落去... 個人覺得味道麻麻..

我地叫既已經係最平既$58漢堡... 價錢唔算平 但係特色欠奉
size亦偏細

最唔抵係加左呢2支野飲呀T______T
跟左餐之後都分別再要加$8同$15先飲得到T^T
但係如果唔加既話又要飲汽水... 咁如果唔加$20跟餐而改為單點薯格既話又要比$30又貴過跟餐唔抵....
唉..... 呢條數 我唔識計呀! XDDD

呢度基本上都係採取自助形式既~ 自己行去收銀處點餐
佢會送餐過黎
紙巾, 手套同醬汁等都已經放係枱面上面等客人自由享用

就係咁配下餐轉下野飲 每人都食左$90 仲要唔係飽....
性價比較低, 下次未必會黎.... /__\

店家: Burgerman
地址: 大角咀埃華街95-97號地下
Shop C, G/F., 95-97 Ivy St., Tai Kok Tsui
電話: 2331 3973
營業時間: 星期一至日11:00-22:00
Openrice主頁Here