話說 我唔小心上左癮.. 上左黑糖珍珠厚鮮奶既癮…
不過咁又唔代表我會係鋪都幫襯.. 因為之前真係試過幫襯左間小店然後伏到呢…
(絕無歧視小店意思, 只係某一間令我留下壞印象..)
今日黎到旺角見到TEA DAYS, 印象中都聽過幾多好評, 所以就放膽去試啦XD
店仔細細 但係都幾多選擇下~ 而且好多款都令人好想試!!
朋友揀既係 小山園抹茶厚鮮奶 $28
其實我自己都好想揀呢款XDD 先講賣相, 顏色好靚~
淺草綠+奶白色! 好有治癒感 : D
呢杯係要搖勻左先飲架~~
一飲落去, 係香而不澀既抹茶味+牛奶既順滑口感!
感覺好似食緊一份抹茶甜品咁樣呀~~ 同朋友都覺得不錯!
(無少糖無少冰)
到我既 黑糖珍珠厚鮮奶(常溫,少糖) $29 喇!! 😍 賣相很不錯~~
落單時, 店員提醒黑糖會比較甜, 所以建議我叫少甜~
另外, 呢度好好地有得揀常溫呢! (其他好多店既呢款都無得揀… FIX左…)
同上一杯一樣, 都係要搖勻左先飲架~~
一飲, 第一印象係好好好好濃厚既奶霜!! 而且同黑糖味已經完美融合晒!
第二印象就係, 果然真係幾甜下XDDD 就算叫左少甜都覺得可以再少D甜XDD
其實呢種甜度係好好飲 只不過真係太邪惡XDD
為身體健康著想 都係飲返再少一個甜度會好D!!
最後, 超愛佢既黑糖珍珠呀~~ 我覺得比起某著名黑糖珍珠鮮奶店既珍珠更加有咬口同煙韌呢!!
呢間飲品店係真心會encore既一間! 飲品質素真心唔錯 (但黑糖飲品大家真係要記得記得叫少甜!!!)
而且價錢亦唔係好貴!! 加上佢仲有咁多吸引既款, 下次要搵多幾個朋友一齊黎Share飲, 應該會快好多試晒XDD!
店家: 小茶堂 TeaDays
地址: 旺角花園街2-16號好景商業中心地下22號舖
Shop 22, G/F, Ho King Commercial Centre, 2-16 Fa Yuen Street, Mong Kok
電話: 61292999
營業時間: 星期一至日13:00-23:00
Openrice主頁Here
沒有留言:
張貼留言
歡迎留言分享 : )