話說, 今次已經係第二次黎幫襯Angry Oppa啦~
上一次黎係比佢個極邪惡芝士拉絲Pizza所吸引~
而今次.. 其實都係掛住個Pizza 所以又再返黎食XDD
估唔到成個裝修都變左幾多下,, 係變靚左~
加上臨近X’MAS, 水泥牆上掛住聖誕裝飾~ 勁有聖誕氣氛呀!!
今晚睇鋪既得一位.. 而且 仲係一位真真正正既OPPA! 😍 (錯重點?)
雖然佢唔識中文, 但係感受得到佢良好既服務態度呀~
先叫既係我最愛既 青提子汁 $25
我知.. 係supermarket買係平好多.. 但係, 平時我又真係唔會特登買黎飲XD
係黎到呢度先好想品嘗返青提子汁既清甜~! 特別岩feel XD
最先黎到既係 牛肉湯鍋(牛骨湯底) $99 !! 呢幾日突然又凍返.. 可以食返個熱辣辣既鍋真心好正!😍
牛肉唔會太多肥膏, 食落亦都幾重鮮味呢~
而鍋入面仲有好多其他配料架, 但我最鐘意既係:: 洋蔥同紅白蘿蔔片!
欣賞店家將配料都切到盡可能咁薄身, 好快就滾熟可以食得!
湯頭亦都清甜, 整體黎講呢個鍋係值得叫~
跟住黎既係平時比較少食既小食XD 韓式蒸餃子 $48!
有三粒, 好大粒下, 入面係滿滿既韭菜同豬肉~
我覺得加埋醬油一齊食幾好味~
主角總係最後先出場:: 蒜香雞肉熔岩比薩 $198
上次食過大醬五花肉口味, 今次就試下 蒜香雞肉味啦!!
每一次都唔會令芝士控(me👻)失望🧀 係超強既拉絲芝士
我同朋友都好鐘意蒜香雞肉呢隻味! 幾惹味同幾香~
Pizza既批底都係我欣賞佢既原因之一, 軟綿綿的, 邊位仍然帶有少許芝士, 有咬口又唔過滯..
食到尾時... 朋友好好興致咁叫酒飲XD 真露燒酒$72
我只係試飲左細細既一啖
聞同埋飲第一啖既時候都係好香純既感覺
但飲左落肚就知道唔係咁簡單喇XDD 胃部開始感到熱熱的
所以我無繼續飲喇, 朋友就慢慢享受.. 員工仲提議我地可以溝雪碧飲添~~
個人感覺今次既用餐經驗比起上次更加好, 不論服務同食物質素都有進步: )
如果餐廳再加入新既食物款式 都會想再黎試 : )
店家: Angry Oppa Restaurant & Bar
地址: 尖沙咀金巴利道73號地下A舖
Shop A, G/F, 73 Kimberley Road, Tsim Sha Tsui
電話: 28843266
營業時間: 星期一至四12:00-23:30, 星期五至六12:00-24:00, 星期日12:00-23:00
Openrice主頁Here
沒有留言:
張貼留言
歡迎留言分享 : )