感謝朋友 帶我黎呢間高質又舒適既樓上西班牙餐館🍴
令我有非常享受既一個晚上☺
位置就係佐敦柯士甸道既UQ Place.. 由西鐵柯士甸站行黎會更加近~
雖然係樓上店 但等lift既地方已經唔簡單了 ..
非常新束束既感覺 令人不期然對餐廳環境有所期待
Chelsea
上到4樓 以湖水藍色為主調既餐廳映入眼簾
高雅既餐桌擺設 同時搭上大量植物元素🍃
有都市小清新既感覺🌱
星期日會收得比較早呢 . . .大家要注意返店家唔同日子既營業時間~
所以今晚7:30黎到既時候 . . 係full house👨👩👦👦👨👩👧👧👫
到我地食到9:30時. . 就剩返我地喇
餐廳亦設有戶外吸煙區.. 需要食煙既客人可以選擇望住街景咁食lol
點解! 點解可以連Menu都咁靚!!
手繪既海鮮種類.. 簡約既風格, 令人覺得成間餐廳既所有野都好一致~
食物選擇唔少, 好多野都好想試
但始終兩個人得兩個胃... 就叫左最想試既野::
Seasonal Crab Seafood Platter麵包蟹海鮮拼盤$278
蟹既種類會因應時節而有所不同ga!
問完今日既係::: 麵包蟹後 立刻就決定要佢!!🦀
非常吸引既擺盤 . . 包括有:: 時令精選螃蟹全隻(即係今日既麵包蟹), 生蠔2隻, 黃金螺2隻, 青口4安士, 鮑魚2隻
仲附配左4款醬汁.. 想講4款汁本身都好正~
加返落適當既海鮮度更加提到鮮味出黎!! (個人特別喜愛油醋洋蔥❤)
鮑魚:: 一d都唔韌,, 仲有少少磯燒過既味道, 不錯~
面對住新鮮既藍青口, 真係會令我一隻接一隻咁食~ (利申: 平時唔鐘意青口陣味)
雖然藍青口係細細隻.. 但係入面既肉每一粒都好肥美~
而且口感細嫩又無渣.. 仲幾鮮甜, 所以我真係幾鐘意食!
黃金螺:: 肉質厚實有咬口~ 食落幾清甜~
呢度既生蠔有驚喜!! 食入口係滿滿既海水味~~~ 同埋完全無腥味!💙
最後... 當然唔少得Platter既主角 -- 麵包蟹!!!
大大的一隻.. 每個鉗位都好好肉, 亦都夠彈牙!
蟹膏好豐厚呢 鋪滿晒成個蟹蓋! 食入口係好軟滑的感覺 ~~
真心覺得不錯.. 而且$278呢個價錢亦算抵食!
食完呢個海鮮拼盤.. 員工就開始為我地送上Set Dinner既餐湯喇~
係雜菜湯配自家製麵包.. 麵包令我非常深刻!! 烘得好香!!
跟住上枱既係TAPAS::
甜洋蔥西班牙辣肉腸 $68
我第一次唔係食pizza既時侯食到辣肉腸!!😆朋友話好濃味..
但想講.. 我真係好鐘意好鐘意呢一碟TAPAS!!!
係, 係好濃郁既辣肉腸味道~~ 但咁食法真係好正又好有風味喎!
而且佢係一款小食.. 就係要食一口, 飲一口既食法去享用😋
加上有好多好多甜洋蔥拌碟,,, 夾雜辣肉腸一齊食,, 就可以大大咁減膩呢!
有機會下次都會繼續試呢一款!! (喜歡濃味或喜歡辣肉腸的話就更加推介啦!)
呢度都真係好有正式西餐既次序呀.. 員工見我地小食就黎食完..
就上左呢個Set Dinner跟既Appetizer:: 烤北海道帆立貝伴椰香鮮芒果沙律
椰香鮮芒果 幾好食同幾開胃!! 同許XX既芒果糯米糍有幾分相似~
烤帶子, 好好味 大大粒🤤又新鮮
最後上枱既就係今晚Set Dinner既主菜 -- 燒伊比利亞黑毛豬柳配華道夫沙律 $348
煎得非常香既黑毛豬~~ 中間既肉真係爆多肉汁
不過食到正中間既肉質就略嬚唔夠嫩,, 有少少"鞋"
但其實整體既質素係幾好食! 連拌碟既薯仔粒都有醃過, 同埋煎得好香!🥔
而華道夫沙律亦都好豐富~ 有唔少甜合桃粒同提子乾在內~ 口感豐富!🥗
想講呢度除左食物同環境高分 . . . 連服務都意想不到地好好..
雖然樓面只有兩位員工.. 但佢地好主動咁serve我地. . 而且好好笑容同禮貌
而且佢地好留意食客既用餐進度.. 等食客完成一個course先上下一個: )
而食物份量方面. .. 我同朋友都估唔到2個人叫3樣野已經好飽... 每樣野既份量都唔細..
好夠飽又滿足的一餐 西班牙大餐🤤!!
(係最後得返我地既時侯影返一張panorama ~ )
覺得呢度成個環境都好靚同有氣氛 : )
連入口外既位置+toilet 環境衛生都係保持得超好的..
已成為口袋推介餐廳~
店家: Chelsea Garden & Restaurant
地址: 佐敦柯士甸道7號UQ Place 4樓
4/F, UQ Place, 7 Austin Road, Jordan
電話: 39740822
營業時間: 星期一至四12:00-15:00,18:00-22:30
星期五至六12:00-15:00,18:00-23:00
星期日12:00-15:00,18:00-21:30
Openrice主頁Here
沒有留言:
張貼留言
歡迎留言分享 : )