意外地好食的冰室❄ [雪山冰廳@深水埗]

之前上網見過有人介紹呢間冰室.. 見有樽仔奶茶! 一直都心思思想試
今日終於約左朋友黎食Lunch啦!
準時12:45黎到, 唔使等位直入.. 但慢慢就開始好多人黎喇.. ~



冰室有少少七,八十年代既feel, 但係其實全部野都好新淨
令人感覺乾淨, 坐得舒適






Menu好多圖, 又多唔同既食物系列, 勁吸引.. 連飲品款式都令人充滿期待呀XDD

一入門口就見到放滿樽仔飲品既雪櫃啦~~
一坐低第一件事就緊係Order枝 樽仔招牌奶茶(跟餐+$12)先啦~~

意外地 佢唔會雪得太凍太冰先拎出黎喎 : ) 可以話係適合即刻飲既冰度黎~
(咁如果係極好冰飲既朋友 就有可能覺得唔夠凍架~)
奶茶飲入口好香醇呀! 而且我覺得甜度岩岩好
絕對係我杯茶~ 推介大家都可以試試

我同朋友一人揀左一個小菜 (包白飯), 但見到佢都有唔少小食, 而且都幾吸引下!
所以再夾多左一份櫻花蝦炒蛋多士


先黎既就係 日本櫻花蝦炒蛋多士$26 啦!
炒蛋份量唔細, 而且有唔少櫻花蝦夾雜係炒蛋內呢~ 第一次食呢個配搭
原來兩者都幾夾架, 炒蛋幾香幾滑
不過塊多士就略嫌本身個包味過甜, 令人覺得有點滯
如果係用返普通既白麵包去整, 效果可能更加好, 亦都咁先至唔會同份炒蛋搶味呀


跟住黎既係朋友叫既 沙嗲金菇粉絲煮海鮮煲$68
熱辣辣咁上枱, 目測都見到勁多隻蝦, 而且隻隻都唔細呢
食入口亦覺新鮮彈牙: )
而個沙嗲汁亦都好香同埋惹味~ 撈埋D金菇同粉絲, 拌飯好正正子


等左一陣之後, 我叫既 黑松露沙拉一字骨$68 都黎到喇! 呢個係我真心期待既一款!
無諗過D黑松露醬會咁多!! 而且香味幾濃郁!
夾埋落沙拉醬度 兩隻味都食得到! 無比對方蓋過左隻味, 所以食入口 味道都幾豐富~
而一字骨本身都有醃過, 雖然唔算多肉但係幾有咬口
要黎送飯又係好match!! 呢一款極推介比大家~
估唔到Lunch都可以食咁好XDD

左邊既係朋友的飲品:: 懷舊黑牛(跟餐+$12) ~
可樂+朱古力味雪糕,,, 好似飲返D童年回憶出黎咁XDD
其實間唔中飲下都真係幾開心XDD

總結 係深水埗既食飯好選擇~
食物多, 價錢有平有貴自己揀.. 連飲品同小食都仲有好多款可以試
服務亦都有效率有禮貌, 整體很不錯!

店家: 雪山冰廳
地址: 深水埗青山道62D號地舖 G/F, 62D Castle Peak Road, Sham Shui Po
電話: 23865025
營業時間: 星期一至日6:30-22:00
Openrice主頁Here