十年無食酒店buffet既我(去旅行除外😆) 入到Cafe Circle真係雙眼發光呀🤩
唔熟荃灣區既朋友們... 我要提提你地先, 如心酒店地下呢排咁岩裝修緊
所以大家要留意入口而家變成咁樣呀 (我都係咁問人先至搵到....)
入左酒堂大堂 直接去Front desk正隔離個邊上9樓 就係Café Circles架喇!
如果行左去另一邊既Lift lobby上既話係唔岩架~~~
一踏入門口就已經比呢一張好有氣勢既長枱震懾住😳
覺得好似係用黎開世界組織會議咁勁 xd
一整個空間樓底好高 氣氛高貴得黎好casual, 令人覺得舒服同自在😌
而行入餐廳既路會經過其中一個甜品區 好成功咁引起左大家既食慾!!
「亞太海鮮盛宴」自助晚餐.. 鐘情於海鮮既朋友, 十分推介你地黎試試🦀🦐🦑🐟🐙
餐廳特別供應珍寶蠔同埋多款即製海鮮煲兼有多款冰鎮海鮮~~
我今晚試過, 好多都好鮮甜, 種類又多.. 有凍有熱, 岩晒鐘意唔同口味既朋友呀~
另外, 都想講除左海鮮外, 呢度既冷盤熱盤, 肉類, 芝士, 雪糕, 包點, 小食同甜品全部都好齊.. 有好多吸引既款式供應❣
整體既食物質素係夠新鮮同好味😋
唔講咁多,,, 比大家睇睇部分既食物相啦~~
講唔晒咁多.. 我亦都試唔晒咁多... 但我想將我有食到既又覺得正既
係呢度重點推介下比大家🌟🌟🌟
🍗燒羊脾:: 口感軟嫩.. 羊味竟然無比醬汁搶味
👍🏻朋友大愛既小龍蝦.. 佢自己一個都清左幾碟😂Refill都refill得幾快呢!!
🦀必試必試必試:: 長腳蟹~ 勁好肉都算..仲要勁重鮮味同啖啖多汁🤤真心好正..唔試會後悔...
(長腳蟹close-up:: 無相😳 我實在唔捨得放低手上既長腳蟹去影相... 唔好意思😂)
🧀焗菠菜蛋黃忌廉珍寶蠔:: 大廚現場即製即派.. 熱辣辣又有咸香,, 生蠔亦都好肥美
🍞每人一碟既芝士焗龍蝦, 鵝肝多士配墨西哥脆餅:
鵝肝油脂感足, 多士鬆脆!
龍蝦肉質扎實同埋彈牙
🐤自家製燒味都正🤤半肥瘦叉燒+脆皮燒肉+啖啖肉燒鴨
🍮甜品款式夠多元化! 最令我難忘既係::
伯爵茶奶凍:: 非常非常好食❤茶味堅係濃郁...呢款奶凍同面頭既伯爵味脆脆好夾
🥧焗藍梅杏仁金寶:: 口感豐富, 甜得黎帶有果香
我同朋友最後飽到連Häagen-Dazs雪糕都食唔落了😂
開始著重養生既我地以清甜多汁既西瓜同埋哈蜜瓜為美好一餐既結尾😌
朱古力噴泉非常受大小朋友既歡迎呢! : >
再比多d相大家睇睇呢度既環境:::
呢餐係食得滿足得黎又唔會飽到太辛苦既一餐BUFFET : )
餐廳突然為每枱送上既芝士龍蝦/鵝肝多士的確係令人好驚喜, 而且估唔到送既質素都會咁高😋完全加左好多分
海鮮方面 以為正野要搶... 點知佢都可以refill得咁密, 而長腳蟹既鮮味實在係令我地都好難忘: )
呢度都有飲品提供.. 但係我同朋友掛住食.. 基本上都無飲過野飲呀(除左水)😂
最後都想讚返呢度既員工, 佢地好有禮貌同好笑容, 收碟都收得合時~
總結呢度係非常適合一家人開開心心食buffet/ 紀念日/ 慶祝, 又什至乎只係想食餐好好既獎勵自己, 都岩黎: )
「亞太海鮮盛宴」自助晚餐
星期一至四$428, 小童/長者$358
星期五至日及公眾假期$478, 小童/長者$388
店家: Café Circles
地址: 荃灣楊屋道8號香港如心海景酒店暨會議中心9樓
9/F, Nina Tower L'hotel Nina Et Convention Centre, 8 Yeung Uk Road, Tsuen Wan
電話: 2280 2868
營業時間: 星期一至日6:30-22:30
Openrice主頁Here
沒有留言:
張貼留言
歡迎留言分享 : )