被鋪天蓋地的黃色包圍💛食物款式亦超多既樓上西餐廳🍽 [Plato Cafe@油麻地]

成日見有人讚PLATO,, 搞到我都心思思左一排 想黎試下!
見佢係油麻地同佐敦都有鋪.. 一於揀比較近我既油麻地啦!☺




上到2樓就己經見到鋪天蓋地既:: 黃色!! >v<”
好彩我地都算早黎到… 坐左一陣已經差不多full晒喇!!




有A La Carte Menu+Set Dinner+二人Set呢, 選擇真係唔少~~
特別吸引我地既係大量小食類!! 全部都好想試~

飲品反而唔算特別多款🥤同埋款式都係比較平實😆
不過有朋友之前黎飲過佢地既milkshake讚好飲!! 所以我今晚決定要一試!

我地4個女仔.. 叫左一個2人餐, 一個豬手餐再另加幾款小食~~
先黎既係 $428二人餐既(包兩個餐湯及蒜蓉法包, 一款頭盤, 一款意粉, 一款主菜, 兩款甜品, 兩杯飲品)::: 炸新鮮洋蔥圈同埋跟餐既南瓜湯同蒜蓉法包🍞: )

炸洋蔥圈不錯呢~ 份量比預期中算多, 而且炸得熱辣辣咁上~
食落感覺唔算太油膩, 而且鬆脆既程度岩岩好!😋
沾埋沙律醬更加好味, 會無咁乾, 鐘意食脆野既朋友必試呀!

餐湯同麵包都不過不失~ 不過麵包竟然係蒜蓉包有點驚喜 : )

再黎既係二人餐既主食 龍蝦汁大蝦露筍意大利飯🦐
有2隻開邊大蝦~~ 煎得剛剛好, 咬落亦爽口, 仲加左黑椒調味, 所以係一定好味!!

Risotto有驚喜! 每一啖都有好香既龍蝦汁味! 而且醬汁份量又適中
一整份食落都覺得好岩胃口~


跟住就黎第二份小食喇~~
本來我地叫左蜜糖BBQ汁雞翼, 但係黎錯左 水牛城雞翼$58
我地其實都岩食, 所以照要啦~~ 醬汁既調味同份量都好足
雞翼亦都算大大隻!


跟住就到二人餐既主菜黎喇:: 美國安格斯西冷牛扒. 紅酒燒汁, 叫左5成熟
望落都覺得呢份牛扒好juicy! 切開後亦見到肉呈粉紅色, 食落亦覺軟嫩呢!
但係略嫌調味重手左D… 感覺偏咸~
牛扒底下其實收埋左唔少薯仔粒~~


又一個小食呀XDD 係蒜片白酒煮蜆$98
望落細細份的.. 原來食下食下都唔少架, 蜆係塞滿晒成個器皿~
幾乎每一粒蜆肉都拌住1-2片蒜片<< My favourite!
仲加左三色椒落去.. 雖然我個人黎講麻麻地三色椒, 但的確咁樣賣相colorful D, 又健康D!


其中一位芝士控朋友指名一定要叫既 脆炸芝士條$68
堅係勁熱辣辣咁上枱 大家食個陣要小心D唔好辣親~~
炸得確係幾鬆化呢~ 不過芝士唔身陣味唔算太出, 身為芝士控覺得芝士味可以再濃D🧀🧀


係我地食得手忙腳亂之際.. 第二個主菜亦都送到喇~~
係 德國脆皮咸豬手Set $218 (跟餐湯, 蒜蓉法包及飲品)
果然炸得勁脆口呀, 而且帶有骨膠原既部位都唔少呢, 岩晒一眾女士XDD
不過同牛扒一樣, 食落都係有d偏咸呢~ 如果鹽份份量少返d就好喇~~


最後當然要叫埋我地既餐飲啦!!
分別係:: 黑牛, 青檸梳打, Oreo Milkshare ~~ 
Oreo Milkshare同黑牛我都試左😍
兩款都值得一飲呀~~

最後仲有跟餐甜品 我地其實已經飽到唔記得左😆
我地都比較鐘意食Tiramisu 呢~~
以甜品為超豐富既呢一餐作結 : )
p.s. 我地幾個女仔都食得太豐富了吧....🙊

店家: Plato Cafe & Bistro
地址: 油麻地彌敦道483-485號2樓
2/F, 483-485 Nathan Road, Yau Ma Tei
電話: 34262700/ 97875976
營業時間: 星期一至日11:30-23:00
Openrice主頁Here