次次經過旺角呢個鋪位.. 都見到大批人潮係門口
八卦之下上網search XD 先知原來係一間新開既台式火鍋店
今晚特登約朋友黎試下佢有幾正... 會成日都咁多人排隊!🙆♀
我同朋友兩個人大約7:30去到, 前面要等5張枱
等左大約20分鐘都入到~~ 算幾快!
幾鐘意呢度個環境.. 有d台式小清新既感覺, haha, 而且又夠光猛~~
同埋雖然食火鍋為主, 但係都保持到乾淨喎~~
睇黎呢度d姐姐功不可抹~~ 但服務態度就有待改善XD
(咁如果服務態度同環境衛生只可以二揀一既話.. 我都係會揀環境衛生既!!)
Menu簡而清:: 一張係火鍋 (臭臭鍋之外仲有好多湯底口味)
一張係台式小食🤩
最後一張就係飲品喇!🥤🥤
想講呢度既食物固之然吸引... 但其實飲品先最令我心心眼😍
連勁hit既芝芝乜乜都有!! 仲有黑糖珍珠鮮奶🥛
當然都有傳統既台式飲品選擇~~
火鍋湯底一共9款, 當中只有3款係唔辣既~
同行朋友非常食得辣... 自然揀左巴蜀烤魚鍋$112🌶
而唔食辣既我... 見到 沙茶牛肉鍋$108 明明有一隻辣椒
但偏偏任性地叫了! (後尾先發現原來有得揀辣度🤣由唔辣到勁辣分為6級...)
落單後大約10分鐘左右就有野食喇~!!
賣相很不錯... 而且鍋送到面前時已經係處於熱烘烘既狀態~~ 好引起到我地食慾😝
所以唔好意思... 無乜影好多相就起動啦!!🥢🥢
想講呢隻小辣其實都勉強接受到... 只不過係要一路食一路飲凍野!!😂
牛肉分量剛剛好 大約有6-8片~~ 肥瘦均勻有牛香, 不錯~
另外鍋入面有唔少金菇, 菜, 豆腐同木耳~~
全部食材都非常索味呢😋
沙茶湯底惹味得黎唔過濃.. 食完都唔多覺有好口乾既感覺!!
想講呢個一人一鍋其實真係好飽下
配料多到爆!! 見到隔離枱都係食唔晒🤪
因為每個鍋都跟一碗白飯/粉絲架 : )
識揀一定揀粉絲😂😂索晒味.. 好容易就KO晒一碗😂
朋友既烤魚鍋我唔敢試😂😂望到紅色的湯底已經感覺會好辣.. 但賣相確係唔錯
為食既我地仲加左2款小食😛
分別係鹽酥雞扒$28同台灣夜市小香腸$26 (小食價錢更加合理!!)
台灣腸一上枱時發現竟然無配蒜片😶😶的確失望左一下
(正宗的食法係一定要配大量生蒜頭一齊食架....) 好彩食落去香腸口感同味道都有係台灣食既風味
雞扒竟然幾大份!! 酥炸得不錯, 味道亦覺咸香 !!
只係怕油膩既我略嫌炸粉過厚
最後係非常值得注意既芝士飲品!!🧀 覺得淨係黎飲野都吸引!!
朋友叫的 芝芝桃桃$39 面層的芝士奶蓋的確拍得住東喜茶! (Sorry... 我仲未試到喜茶🙊)
奶蓋充滿芝士同奶既咸香 ...但濃度剛好, 唔會膩
質感係中等厚度, 個人覺得係岩岩好~
桃味突出但同時有D過甜,,,, 建議大家可以揀少糖或半糖!
我本來係想叫芝芝莓莓可惜已經賣晒😭 所以轉試 芝士四季春$33
未試過其他地方既四季春 但我幾鐘意呢款飲品: ) 享受到醇茶之外, 又可以解解滯
屬於較light既一款 (當然面頭既奶蓋又增加返罪疚感啦XD 但係人生咁樣先至平衡嘛😉)
食左咁多野食到勁飽先$381 ... 性價比確係幾高既
睇黎黎緊都要繼續加入呢一個排隊行列喇....
店家: 湯•米
地址: 旺角豉油街60-104號鴻都大廈地下AB舖
Shop AB, G/F, Concord Building, 60 Soy Street, Mong Kok
電話: 2327 3011
營業時間: 星期一至日11:30-23:00
Openrice主頁Here
沒有留言:
張貼留言
歡迎留言分享 : )