呢度有少少難搵... 雖然係謝斐道 但佢係要跨過左駱克道既婦協僱員再培訓中心後 再行返去謝斐道行多幾步先見到
我都搵左一陣@~@
616十二味, 係616牛肉火鍋店聯同十二味餐飲集團cross-over而開既分店, target鐘意食牛既朋友, sell既係刁鑽既牛肉部位 (有好多係連個名都未聽過....)
一入到黎 見到成間店既環境裝修已經覺得自己踏入左開埠初期既香港~ 辦館, 大笪地, 極具本土風味既茶記卡位座, 70/80年代既掛畫...難怪店內都有幾多鬼佬幫襯下~ 佢地應該都覺得好有香港特色^___^
打邊爐當然唔少得既係提供醬料既地方~ 除左一般既豉油香蔥香蒜之外, 佢仲有一d特別d既選擇, 就好似青檸汁, 柑桔同陳醋咁~ (食完晒之後先發現原來佢張墊檯紙上面有suggest咩肉配咩醬汁lolllll)
而呢度就係佢suggest唔同部位要滾幾多秒食會有最佳口感~~
而家愈黎愈多餐廳係比顧客自己用tablet落單~ 既方便又唔怕漏單~
yeah~~~ 好快已經叫到一檯都係牛牛lu!! *v*
湯底方面有2種: 牛骨清湯($38)同牛雜湯底($68)
員工推介清湯湯底會更顯牛肉既肉味, 咁就一於揀清湯底啦!(又平d =PP)
這是吊龍伴$68 屬罕有系列!
其實即係牛腰脊肉既兩側..食落感覺有d似食牛柳,有咬口得黎又好有牛香好滑溜..我覺得值得試!!
這是封門柳$68 屬罕有系列!
呢個係我既至愛部位! 真心必試推介~~~
因為呢個部位擁有最香濃既牛香味 兼肉質鮮嫩
封門柳係牛要黎控制橫隔膜既肌肉 據說每隻牛只有兩塊!@.@
好珍貴呢~~
呢個係牛朴肉$48 係接近牛頸部既部位 相對起黎比較多脂肪
我知好多人都好鐘意脂肪既油脂感...因為鐘意佢夠甘香, 但係我個人黎講就唔係好鐘意咁多脂肪!
呢個係牛柳$48 雖然係比較普通既款 但勝左岩胃口呀!
第一啖食落去時唔係好覺有牛味 但係之後就慢慢咁滲出黎啦!
呢款係我繼封門柳, 吊龍伴之後既至愛!
牛坑爪$68 又返返黎罕有系列!
呢個其實係近肉眼肋骨既條狀肉,比較多筋,不過肉味都好出呢~ 但我個人唔鐘意多筋....
最後係打邊爐必叫既脆脆響鈴$28~~
非常薄皮既響鈴 食完完全無膩既感覺..好食!
哈哈哈身為飯桶既我就算打邊爐都要食飯 \v/" 白飯$12
雖然員工們大力熱情推介佢地自家釀製既616原漿啤酒$28/支
但係唔係好好酒精既我都係乖乖要返豆漿$9 : )
yeah!最後食到咩都無晒喇 滿足~~~
係開始打邊爐之前同打完邊爐之後飲個湯底已經唔同晒味喇~~
打完再飲個湯牛味真係超級濃郁 : >
今晚試到咁多成世女都未試過既牛部位真係見識不少lol
而且肉既質素真係唔錯, 愛牛既朋友真係會食上癮~
最緊要係佢價錢唔離地, 可以再黎~~~
(最後埋單2個人共$407)
店家: 616十二味
地址: 銅鑼灣謝菲道391-407號新時代中心地下C號舖
Shop C, G/F, Times Tower, 391-407 Jaffe Road, Causeway Bay
電話: 6158 2345
Openrice主頁Here
沒有留言:
張貼留言
歡迎留言分享 : )