黎自美國既Cheesecake Factory!! 佢既人氣有幾高, 就好似如果你仲未試過既話, 就唔好話自己係cheesecake fans咁lol
佢岩岩登陸香港個陣 成個IG都被洗版...
個個都話等位等得太耐 等唔到 唯有外賣都要試咁話...
今日終於到我黎朝聖 *v*
除左cheesecake之外 佢都有提供沙律, pasta, pizza等等主食
但今次黎絕對係target佢既cheesecake
而且佢d主食價錢都唔平 更加無乜興趣試
(食完cake之後更加覺得唔叫主食係正確 因為cake已經足夠塞飽你個胃)
有成26款cheesecake+9款specialty dessert
都真係好容易會有選擇困難XDDD
其實心底係想試特別d既款, 好似紅絲絨,南瓜,紅蘿蔔個d味...
不過最後都係覺得叫返d basic少少既先至可以試下佢cheesecake原味~~
鮮士多啤梨芝士蛋糕$79
呢個即係Original+士多啤梨~ 雖然...得3粒士多啤梨T^T
不過的確係好鮮甜同好大粒~ 而cheesecake...的確係唔會係第二個地方食到既味道~~
相對起平時既cheesecake, 呢件質感柔軟得多
食落去芝士味唔算太強, 反而比較偏向係忌廉既香甜同幼滑
其實配埋旁邊既兩大pat鮮忌廉一齊食係最好味!♥
我地叫既另一款係芒果青檸芝士蛋糕$75
唔係大家想像既普通青檸夾芒果味~ 其實唔係好食得出青檸/芒果既味道
但係成件cake都有比較清新既感覺~~
雖然到最後.....都係食唔晒 loll
見佢一般飲品都偏貴 (milkshare要七十幾蚊....$__$)
Factory Hot Chocolate$42比較合理~ 就叫左2杯黎試試
唔試尤至可 一試不得了!!!♥__♥
因為加左一大pat鮮忌廉入去既關係 呢杯朱古力真係超級滑不溜口呀!!!~~~
飲到尾當忌廉沈左底 什至只係飲到忌廉味喇~
但呢個口感真係好正, 暫時係我人生中最好飲既一杯朱古力T^T無誇張
我會為左佢呢杯朱古力再黎多過為左cheesecake XDD
呢度環境其實幾好feel~
店內裝修(同埋店名用個隻字型)好有懷舊美國賭場feel~
排隊方面, 唔知係熱潮已經過左定點
我係星期六下午15:45左右黎 員工已經同我講大約等50分鐘左右就得 (聽講之前係要等幾粒鐘....loll)
而且有pager (限定範圍內) 其實拎完pager去行下街 預返岩時間返黎都ok~
最後我地都係過左45分鐘就有枱啦~~~~
結語: 芝士蛋糕係出面搵唔到既味 但亦都唔係一試難忘既味道
七十幾蚊一件cake可能有d貴 但係佢好似無設低消
同朋友一齊share一件既話都唔錯呢
店家: The Cheesecake Factory 芝樂坊餐廳
地址: 尖沙咀廣東道25號海港城港威商場地下G102號舖
Shop G102, G/F, Gateway Arcade, Harbour City, 25 Canton Road, Tsim Sha Tsui
電話: 2791 6628
營業時間: 星期一至六 11:00-23:00 星期日10:00-23:00
Openrice主頁Here
沒有留言:
張貼留言
歡迎留言分享 : )