早係網絡上聽過漢堡既大名 係一間吸引到唔少朋友特登由九龍/港島區搭車入黎一試既大埔小店
今晚一試.. 個人覺得如果要特登入黎食既話又未至於
但係住係大埔區既我就一定會成日黎幫襯 >v<""""
我覺得佢佈置得幾靚架~ 耐何小店真係太小... 經常坐滿
預返要等位
見到佢主力都係burger~ 有14款咁多! (其中一款適合素食者)
價錢由最平$46到最貴$78, 加餐都係加$20
如果係叫偏低價個d款會抵d... HAHA
七十幾蚊個d款既話... 其實咪同係出面食差唔多價位xd
另外佢都有2款all day breakfast, 有fish & chips同埋4款意粉~~ 五十幾蚊都有交易
呢d又真係抵食過出面好多貴價cafe!
+$20配餐 (沙律+飲品) 係我至愛既麻醬沙律!!!♥
份量唔算多.... 不過好味~~~
+$20配餐 (薯條+飲品) 揀薯條好似抵過揀沙律喎哈哈~
份量多d~ 薯條係粗薯, 頭尾夠脆 中段柔軟 薯味突出!!
呢個好食呀!!! ^_^
我地5個女仔叫左1個意粉3個burger~ 先黎既係蒜腸煙肉卡邦尼意粉$52
難得地... 終於係街再食到整得好味既卡邦尼T___T!!!
蛋黃同芝士既比例用得唔錯, 令到醬汁好味之餘又唔太漏
除左一般會加既煙肉之外 佢仲落左蒜腸 估唔到係超match!!!
強烈要求所有卡邦尼都要加蒜腸呢個配料~~~ 哈哈哈
主角burger終於上場: (1)大隻佬漢堡$68
(牛肉,沙律菜,蕃茄,芝士,紅菜頭,流心蛋,煙肉,洋蔥)
超級多既配料 都唔夠芝士同牛肉咁搶味~~~
其實一啖食晒咁多種材料真係會好滿足!
值得一讚既係佢連麵包都好軟熟~ 好味道!!
呢一款係三款burger入面我最鐘意個隻: (2)炸軟殼蟹漢堡$78♥
(軟殼蟹,沙律菜,他他醬,蕃茄)
亦都已經係全店最貴個樣野黎!
原隻軟殼蟹上 因為夠新鮮夠juicy 基本上已經好好味!! ^v^
好鐘意佢用他他醬呢個選擇 成件事實在係太match!
而且沙律菜份量都超多 正好可以減淡返食另外兩個burger既罪疚感^____^!
最後一款係 (3)蘑菇洋蔥牛肉漢堡$57
(牛肉,沙律菜,蕃茄,芝士,蘑菇,洋蔥)
呢個其實同大隻佬個款有d相似, 不過少左煙肉流心蛋, 多左蘑菇...
除住年紀既增長... 我都慢慢開始多菜少肉 所以呢款其實係好岩我呢d人食 (又要健康d但又忍唔住想有d肉落下肚)
蘑菇用黑椒炒香過 好惹味~
最後其實佢d飲品都好值得介紹! 因為有好多好多特別款♥
呢杯呈淺蓋色既係藍絲絨latte(熱)~ 原價$30 跟餐半價($15)
佢既藍色唔係人造色素而係全天然藍色 所以見得到一d都唔深色..
成份其實係藍海藻加蛋白.... 不過好老實講, 我飲之前係唔知道藍海藻係咩味~
個人覺得飲落去有淡淡甜香味 有少少似椰子味
口感比較偏重泡沬既感覺~ 係幾得意既嘗試黎!
下次我要試埋紅絲絨!!!
朋友叫既藍莓梳打(原價$34,跟餐半價)同芒果梳打(原價$32,跟餐半價)
我都有試飲到 藍莓似提子味多D~ 不過唔會似藥水味 所以都幾好飲
芒果味幾香!
另一位朋友叫既超邪惡Oreo Milkshare (原價$38,跟餐半價)
佢呢度仲有早餐同甜品供應架~ 希望下次可以試埋甜品, haha!
應該有大把機會會再返黎食 *v*
店家: 漢堡 Burger Kitchen
地址: 大埔安慈路2號八號花園地下3號舖
Shop 3, G/F, Eightland Gardens, 2 On Chee Road, Tai Po
電話: 6210 9377
營業時間: 星期一至五9:30-21:30 星期六至日8:00-21:30
Openrice主頁Here
沒有留言:
張貼留言
歡迎留言分享 : )