今日 去尖東體驗左一個 好治癒心靈 又有成品拎走既 香水調配工作坊💎
無論係送比自己 定作為送比心愛既人既小小禮物🎁
位於尖沙咀百利商業中心, 係尖咀鬧市中 一個相對寧靜既商場
唔行到入黎 你都唔會估到 呢度有個調製香水既小天地😌
一入到PerfumeTalk 就見到擺左19個大大既香水壺
好細心既調香師 好快就為我逐一介紹每種香味😊
(係啊, 呢度提供既係1對1 / 1對2既專業調配香水教學班, 一班大約40分鐘左右)
知道左 香水最基本係分為:: 單味同埋複合味~~
一般我地買到既都係複合味, 即係已經有幾種味混合左一齊
但今次可以自己揀鐘意既味去調出獨一無二既味道❤
所以 亦有成10款單味香水 可以比我地試真d 每種香味各自既特性呢
店主話, 佢地呢度既香水都係由專為英女皇度身訂製香水既英國廠房配製架‼
而原材料就黎自世界各地
所以會見到好多特色味道, 唔係平時係普通店鋪可以搵到既味 (例:🎋竹子味, 絲絨玫瑰味, 泡泡浴味)
所以 係度調製香水 就唔怕出街會同人撞味啦😉~~
呢度亦都有照顧埋男士啊~~ 有適合男士既香味可以揀(例:紳士味👨🏻💼), 另外亦都有d中性d既香味(例:海風味🌊)
最特別既 係見到其中一隻味叫做 :: 妹豬味!!XDD
一問之下, 原來 妹豬 係店主養既狗狗, 亦都係PerfumeTalk店logo隻阿拉斯加犬呢 !
而妹豬味 係一種混和左果香, 花香既香味... 相信係 妹豬 帶到比主人既感覺: )
當調香師好細心咁逐一介紹完每款香水既特性同埋比我試聞完後
就開始要挑選2-3款自己想要既味道出黎🥰
我就鐘意特別同埋清新d, 所以揀左:: 桂花+竹子+海風
( 調香師suggest揀最多3隻味, 因為再多d既話 味道會變雜呢 )
揀完味後 就可以用呢set test tube做調配實驗了!🧪🧪
以10滴為濃縮比例, 因為我想清新之中帶多少少花香, 所以調香師建議我試
6滴桂花+2滴竹子+2滴海風 呢個比例, 果然係好香 亦係出面未聞過既味道 !!!
本身已經覺得幾滿意呢種味, 以為可以進入下一步程序😂
但調香師好好人同專業, 佢幫我試多幾種唔同比例 再叫我細心聞下 邊一種先係我最鐘意既味... 所以 最後我既專屬香水比例係:: 🌼
50％桂花+30％竹子+20％海風
呢個比例 係三種味都比較平均出到黎架 : )
調岩比例之後 要將香水快速搖勻啊~~
下一個step:: 設計自己的香水樽!!🌸
玻璃樽 有唔同形狀同size, 可以按自己需要同喜好而揀啊~
而我今日參加呢個工作坊係包一支50ml既香水☺
話說樽面除左可以印字, 連彩色logo同埋相片都得架!!
見到其他客人既demo都好可愛~~ 好多couple相, 同埋可愛既寵物相!!🐱🐶
不過我自己就想印返字多d~~ 所以就即場係度打返個字, 再揀返自己鐘意既字體: )
然後 店主幫手執返好印刷既位置, 就會即場打印架喇!!
原來PerfumeTalk係全港首間即場UV打印既香水調製店!
今日的確見識到又快又靚既效果👍🏻
幾分鐘就印好左!! 再下一個step:: 挑選自己鐘意既保鮮花瓣入樽!!🌸🌼
呢個可以話係一個unexpected既step黎, 因為平時d香水都好少見會咁有心思有花瓣係入面
整左真係靚好多!☺
話咁快 就去到最後一個step喇... 不過呢個step店主會幫你完成😂
就係將香水樽安裝好, 咁就大功告成喇!!! 呢一刻, 真係有少少感動...
今次, 我印左自己個ig account名上去 : )
但係我已經諗好左 之後再整比媽媽, 男朋友, 同埋即將要移民既好朋友...
氣味, 係一樣可以保存好耐既野... 係腦海中... 就算平時唔會諗起
但係當你一聞返個陣味, 就一定會有記憶...💓
成個workshop大約40-50分鐘左右~~ 但係店主有時會出左去做外景job未必係店架
溫提2:: 如果想係樽上印人樣/動物樣, 最好提早將相片send比店主, 等佢可以預先勾圖啊~
咁就可以更加快完成啦~~
總結::
係呢40分鐘入面 好專心一致咁 分辦唔同既香味.. 果香, 花香, 清新植物香, 海洋味
慢慢識得分辦頭,中,尾香.. 大約知道邊種香味餘韻悠長d, 邊d既first impression會係較突出; 邊d香味係單一d, 邊d係多層次d
好專心咁揀自己鐘意既香味, 再諗下點樣既比例係最適合自己
成個過程都係專心咁去做一件事, 心無雜念
令人心情放鬆不少😌😌
我今日上既呢個workshop係 香水調配工作坊 $520 連50ml香水
見到店內有好多好靚既禮盒, 好似人地結婚既回禮咁💐
原來真係有呢個服務架, 唔單止咁, 店家仲有到場調製服務添!
一定可以為賓客帶黎最難忘既回憶啊‼
我知道 PerfumeTalk 而家招募今年五、六、七月內結婚既新人!!
只要新人係以上月份擺酒, 而又可以提供到1.5-2米枱
就可以以超抵價$2388 享用到佢地到場既調配香水吧!!
當中已包含10ml香水回禮、8-12種香水味道、香水吧佈置、專業調香師兩位
如有興趣者 請由以下途徑聯絡PerfumeTalk : )
店家: PerfumeTalk
地址: 尖沙咀漆咸道南87-105號百利商業中心1樓93號舖
電話: 5596 2128
小小的後記:: 突然好有mood 將呢個workshop體驗拍左條片..
有興趣既話 都可以睇下呢 (shy)🙈
有興趣既話 都可以睇下呢 (shy)🙈
::: YOUTUBE LINK HERE :::
*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*~~*
合作/邀稿請電郵至: mini_dance@msn.com
KATE的分享平台💓
沒有留言:
張貼留言
歡迎留言分享 : )