朋友已經係第二次黎, 而我 就第1次踏足呢間位於黃竹坑既L'hotel !
酒店外型時尚型格, 離遠見到都覺得成個感覺好Cyber ~
原來酒店係以海洋為主題🌊 好切合現今社會著重環保既風氣☘
係外圍望 真係唔會估到入面係咩樣 😌
但一行出lift就會感覺到 好舒適同悠閒!
不論燈光, 空間感定裝修, 都係一個令人好舒服既氛圍 : )
一行入餐廳就會見到滿滿既甜品櫃😍
有野於平時食buffet, 蛋糕擺晒出黎比人畢到亂晒龍
呢度係雪住係雪櫃 有專人睇住架
要既時候先搵專員拎比你 成件事衛生好多
亦唔會造成咁多浪費👍🏻👍🏻👍🏻 覺得其他buffet都可以效法一下😆
咁多款真係無可能試得晒
我地試左 抹茶紅豆奶凍 .. 覺得係一定一定一定要食架⭐
抹茶味非常香濃得黎好天然, 係有回甘架大佬🍵🍵🍵
又滑身 唔試會後悔❗
而 奶香紫米露 係今晚encore到我傻既item之一⭐
飲左三碗 勁香勁milky🥛 想多d紫米既要畢底d
我唔想咁飽所以無畢落底🤣
另外 北海道全脂奶布甸 亦有水準🍼又香又滑的
而柚子蜜脆蛋散 聽講係酒店自家研製個醬汁架.. 食落都幾fresh, 唔會覺膩
再行入去 就見到大大個房間
入面主要放大枱.. 好貼心地 呢幾間大房既房門係可以關埋架
比返一家人/ 一大班朋友有充足既私密度
食物種類十分十分多元化呢😍
呢度有超過60款前菜、熱盤同甜品,,, 就算食唔晒咁多款.. 望到都好開心: )
單係沙律菜都有6款 而且有珍貴既superfood羽衣甘藍 !
加埋Caesar sauce+ garlic breadcrumb 🍞就係我最愛既組合!
而重中之重當然係呢度既 冰鎮海鮮
海蝦, 青口同蜆 而比人搶得最快既一定係交替出現既 阿拉斯加蟹腳同 波士頓龍蝦
搶得快, 同時都refill得快, 要讚👍🏻
估唔到大大隻波士頓龍蝦都有任食 仲要夠鮮夠多羔⭐
口感彈牙 難怪大家一夾夾勁多隻😂
阿拉斯加蟹腳 最突出既就係個鮮味 同埋D肉都好結實飽滿😋
跟住可以行下去 日式刺生 個邊
今晚師傅好好人咁幫我地靚靚擺盤
帶子 同 牡丹蝦 都令我特別難忘 肥美得黎好鮮甜😋
鮑魚 完全唔韌👍🏻仲好貼心咁一早切開左成片狀架喇
呢件 澳洲西冷牛扒 真心一定一定幾飽都要食⭐
每咬一啖 陣牛味都係口腔滲透出黎 加適當油脂感 好想大叫：好好味呀～～～
( 即叫即煎 記得同廚師講返想要既熟度^^)
食食下.. 員工為每枱客人送上Today’s Special::: 鵝肝多士 😍😍😍
我地已經攤左一陣先食... 鵝肝都仲係暖暖的
Size算幾大份 鵝香+油脂感充斥住成個口腔
好正🤤🤤🤤
但最盞鬼既野係.... 呢度竟然連 長洲大魚蛋 都有😂😂😂
估佢唔到 仲要真係咁大粒同彈牙 !!!
養身選擇都不少, 足料蟹粥, 中湯西湯仲有胡椒豬肚湯~~
呢一帶都係會regular轉款既菜式呢
試左其中幾款都覺得不錯 真心係好味, 覺得大家黎既話
都要試下, 係值得既 (連四季豆都正, 仲有我至鐘意既炸子雞!!!)
食到中途 突然聽到有鈴鈴聲
跟住食客們就紛紛 急步出去一架車仔度排隊
原來有限定突發食物:: 香辣炒蜆
每晚都會有唔同既突發食物架~~ 所以再黎都應該唔會悶xd
好特別既 龍蝦燉蛋 (好似第一次見呢個配搭)
面層係比較西式既龍蝦濃汁.. 而底層既係以中式蒸水蛋水法去炮製既滑滑水蛋~~
咁樣整都好夾~~ 又滑溜又香濃!
其實真係多野食到寫唔到咁多..... 天婦羅, 龍蝦意大利手打麵, 綠茶麵蕎麥麵, 日式咖喱, 其他冰鎮海鮮, 芝士, 壽司.... 等等
我試左幾款都覺得質素不錯 ~~~
今晚另一個重點係 紅燒鮑魚花膠煲, 超名貴食材....
限每位成人客人各送一份.. 真心估唔到 呢個價錢 會有咁多正野食....
平時食buffet 最後一定會食埋雪糕先收手.. 今次仲要係Häagen-Dazs雪糕呀!!
但我地真係飽到上心口.. 呢度既野食實在太多款又好食
所以... 今次食唔落雪糕喇 嗚嗚嗚 /^\
自助沖調飲品~~~
一整餐都好有驚喜, 因為基本上 食物都好有水準
而且連搶手既食物 例龍蝦同長腳蟹都意想不到地refill得好快, 唔使擔心會miss左!
令我同朋友可以真真正正咁享受一餐buffet~ 唔使隨時stand-by去搶野食
另外 食物種類實在係太太太多, 可以話應有盡有
咩都想食既朋友呢度係不二之選... 甜品當然係我最睇重既一環
好surprise既係呢度會有d出面buffet唔會供應既款式, 仲有唔少自家製款
有心思, 同時又保持到衛生
如果想搵好既buffet地方 真心推介呢一度!
龍蝦 海鮮盛宴Dinner Buffet
星期一至四 成人$438 小童及長者$238
星期五至日、公眾假期及前夕 成人$458 小童及長者$258
店家: LIS Café
地址: 香港仔黃竹坑道55號如心南灣海景酒店P3樓
Podium, Level 3, L'hotel Island South, 55 Wong Chuk Hang Road, Aberdeen
電話: 39688833/ 67934223 (Whatsapp)
營業時間: 星期一至日6:30-24:00
Openrice主頁Here
沒有留言:
張貼留言
歡迎留言分享 : )