我會答係: 食物+環境🌾
CAFÉ同一般餐廳既最大分別, 就係CAFÉ係預左比你坐好耐😌
唔係好似快餐咁, 食完就走, 所以環境舒適係好緊要!!
話雖如此, CAFÉ唔單止係一個比你消磨時間既地方, 同時你會係度進食🍽
如果只係虛有靚環境, 食物唔掂既話, 佢只會成為一個可一不可再既打卡地點🙅
所以一間好既CAFÉ最重要既2個元素, 我覺得正正就係食物同環境, 缺一不可❗
而Nardo's Café係以上2個元素, 絕對做得好!
先講環境, 一出lift已經感受到Cafe強烈既自身風格:: 紅白對比色
一整間CAFÉ都係運用呢2隻色去裝修… 令人覺得悠閒又有D活力 ! 💪🏻
最特別係餐廳主位置係一個圓形既多人包廂座位, 而圓形外圍就繼續擺放其他位
感覺好得意 ! 好似比較少係其他CAFÉ見到咁樣既格局~~
另外 係鏡面背後原來都隱藏左一間party房, 想要私密度既聚會就岩晒!
而佢既枱面鋪滿有少少幻彩既枱磚, 令人感覺比較高級✨✨
呢度除左有board game之外, 仲有好多擺設 (Gundam都有, 睇到我男朋友好開心😂)
都唔岩既 呢度都有電視睇, 唔驚會悶呀~
我地BOOK左7:00pm黎~ 好彩… 有book到….
因為 原來呢度會好快full😱😱 我地7pm入座後, 陸陸續續有預約左既客人上黎喇… 仲有大家都係一大班人咁..
即係.唔book位既話 好大可能無位坐架, 大家要留意
食物選擇方面, 其實都係一般party食品, 好似炸物, 餃子, 雞翼, 沙律同肉丸等等
同時亦有dinner set可以揀, 有7款pasta可以揀呢 ! 🍝
而飲品方面除左有特飲, 沙冰, 梳打類之外, 亦都有茶類同咖啡類🍵☕
最鐘意佢有花茶同埋健康推介, 連我都有野好飲喇!! T___T
一大班friend黎既話 仲有party set!! 🎉
食物係即叫即製架, 所以建議大家坐低可以叫左野食先
之後再邊玩邊等野食~
我同男友今日唔係太餓, 所以叫左D輕食先 !
日式餃子$55 一上枱 第一反應係估唔到有咁多隻😂
餃子非常熱辣辣呀!! 賣相亦不錯, 最估唔到係味道亦有水準
餃子皮薄, 肉份量適中, 重點係個汁! 微微甜, 好夾同好開胃, 配上少少木魚碎已經好豐富😋
蜜糖雞翼$68
雖然我心目中第一位既蜜糖雞翼始終留返比蜜糖雞翼元祖, 但只可以講 呢度已經做得非常不錯
每隻雞翼都好大隻, 我鐘意佢焗既程度拿捏得好好, 食落口感夠juicy又夠香脆
我覺得唔夠既係蜜糖呀~ 好想要再多D蜜糖🍯🍯
洋蔥圈$55
呢個係朋友既最愛, 佢話好鐘意佢炸出黎既香脆口感同埋包係炸粉內幼滑既麵粉蓉🥔
洋蔥香味係食得到既但唔算太突出
整體我最欣賞佢係炸既程度剛剛好, 無過火~ 都值得一試!
挪威煙三文魚沙律$138
沙律, 確實, 估唔到 …係有小驚喜既🥗
煙三文魚明顯食得出比平時食到既高質, 肉質更加肥美同埋新鮮
而沙律菜竟然都係一個值得讚既位 ! 用上幾款唔同沙律菜, 每一片都沾上左沙律醬, 唔會出現唔平均既情況
而且食得出每一片菜都好靚好鮮甜, 最後我地兩個食到一片都無剩 ! 😆
飲品方面, 男友叫左特飲 KING $42 即係檸檬汁+利賓納+梳打
而著重養生既我今日咁岩有女性唔舒服.. 所以叫左花茶:: 小天使$58
內有金桂子+杞子+桂圓肉😌
飲完可以請員工幫你再refill熱水架, 有排飲 ^^
最後我地仲加埋甜品:: New York Cheesecake $27
Double Chocolate Cake $27
兩件cake都係屬於比較清淡之選, 唔會太甜太膩, 食完都唔會太飽呀~
食完野之後, 當然要HEA下玩下board game啦!!
話說 今晚我地玩左成晚同企鵝有關既遊戲😆😆
因為兩個人可以玩既game唔係太多選擇~ 但呢兩隻game都易玩又刺激
好好玩呀😆😆😆
好開心今晚係度度過左好relax既一晚, 成個氛圍都好開心呀~
D客開心, 員工有禮貌, 野食好味, 所有野都好完美呀~
當然 最重要既係同我一齊黎既人😉😉😉
想搵Café一大班人聚聚, 又或者想同另一半黎hea下休息下, 都推介你黎試下Nardo’s Café!
店家: Nardo's Cafe
地址: 旺角彌敦道594-596號旺角新城8樓全層
8/F, Mongkok Metro, 594-596 Nathan Road, Mong Kok
電話: 6677 5466
營業時間: 星期一至日15:00-1:00
Openrice主頁Here
沒有留言:
張貼留言
歡迎留言分享 : )