由歐洲傳入, 充滿皇室優雅感既Fusion泰菜餐廳:: Blue Elephant 💙
之前已經黎食過佢既鳥籠Tea Set .. 今次見佢出埋Semi brunch buffet (只限星期六、日呀!!)
價錢又係好affordable, 當然要約埋朋友黎試下 ~~
一共8款main course可以揀, 價錢由$188~$288, 已經包埋超過20款自助食品
個人覺得算抵食 (到main course黎埋更加覺.. 因為份量堅多!)
見到個buffet係由11:30~15:00, 所以落左單之後就爭取時間
拿拿聲出去拎野食啦~~~ XXDD
椰子雞湯 🥣
有雞湯既鮮甜加香茅既清新, 又唔會太油~ 幾好飲 !!
自助區雖然細細地但鋪滿各種各樣泰式小食同甜品
種類都幾豐富 而且好多款都好吸引😋
加上每次refill都會有少少新野 ~ 唔會食厭😆
單係沙律都有三款🥗
我最鐘意係 金柚芒果沙律!! 好清新開胃
泰式炸雞球:: 入口嫩滑, 但要沾埋泰式酸辣汁先夠味~~
比利時炸蝦:: 炸得剛好 薄薄的炸皮夠鬆脆!!
蝦味亦幾突出 唔算太油膩 就咁食都好正~ 🍤
必試同埋比人拎得好快🌟 基本上一refill就即刻形成隊列排隊拎😂
炸物方面仲試左 素菜春卷 不過就偏向無乜餡料, 個人對呢一款一般般
馬可慢煮花生軟糖配菠蘿
非常鐘意既一款 菠蘿好好好鮮甜好正🍍
馬可花生軟糖有少少軟糯感 幾得意呢, 重點係兩者好夾!!
主菜叫左 特色海南雞飯 $228
完全無諗過個main course份量都咁大份😂 我諗就算淨食main course都已經好夠飽😂
雞肉幾滑身 不過唔算太多肉呀
醬汁好惹味, 偏辣... 怕辣既 (好似我咁) 唔好沾咁多😛
個飯真係好多 最後食唔晒 😂
朋友叫左 泰式軟殼蟹炒飯 $198
呢個超好味呀推介大家揀佢!! 軟殼蟹大隻又多汁 仲要有好多蟹羔!!🦀
炒飯本身已經好足料好好味 又多配料... 配埋炸蒜口感豐富!! 很不錯
甜品方面 ❣
七彩顏色既 意大利芝士泡芙 有驚喜
芝士味其實唔算好重, 但咁樣食落反而仲覺得light 唔會滯~~
係一款微微甜 好輕巧既甜品 ❣
細細粒的 芒果糯米飯 很治癒😍
芒果偏酸 但配埋椰汁糯米飯就好夾~
藍梅慕絲 賣相平平但食落都幾好喎
水果鮮味幾出, 幾清新!
仲有檸檬撻同斑蘭撻 都好好食❣
仲有好多款都想試但已經太飽試唔到😂😂😂
不過呢度員工可能實在太忙... 服務一般
好多時想叫人幫手加水都要等好耐.... 如果可以改善埋, 又或者直情可以比客人自己拎黎refill既話就非常好喇~
兩個人食到超飽 食左咁多款先至係$469... 仲有一人一杯野飲包埋
(我地飲湯都飲到夠所以無叫餐飲XDDD) 真心性價比幾高!
補返D環境相先~~~ 係幾靚同幾有feel呢~~ 某d位仲可以望住海景食添!!
大家有興趣既話記得打去book位先呀~~
店家: 藍象泰國餐廳
地址: 尖沙咀廣東道3-27號海港城港威商場3樓3303號舖
Shop 3303, 3/F, Gateway Arcade, Harbour City, 3-27 Canton Road, Tsim Sha Tsui
電話: 23282328
營業時間: 星期一至日11:00-22:30
Openrice主頁Here
沒有留言:
張貼留言
歡迎留言分享 : )