上兩個禮拜食左一間叫Angry Oppa既韓式煎餅始祖專門店
食過返尋味🙊🙊🙊 今日又再黎韓國街搵正野食~!!!
見到呢間叫Oppa Coffee Bar裝修幾靚 就比佢吸引左入黎~
厚厚既menu, 對比起Angry Oppa, 呢度既食物款式比較多元化
有拉麵,烏冬,豬手,五花肉,豆腐,芝士拼肉類,紫菜包飯,炒年糕,熔岩炒飯同其他韓式小食
最重要係有我心掛掛左好耐既韓式炸雞!!! 仲有成6隻味!!!
呢度都提供好多韓式汽水同酒精飲品
不過價錢都幾貴下, 平時賣$5-6罐既青提子汁呢度要$25
所以決定唔飲野 將d錢放晒去食物度~~~ (慳家!!!$v$~~)
一坐低已經比呢個要自己動手做既流心芝士小丸子吸引住!
先揀好要咩口味 (有章魚,雞肉同海鮮3款可以揀)
員工就會為你送上你揀個隻口味 而且已經煮熟左既炒飯,芝士碎粒同埋一壺牛奶蛋漿
第1步就係將芝士粒放入炒飯 再攪勻佢地~~
跟住就可以將攪勻左既炒飯放係小丸子機上面~~
(呢個係錯誤示範, 因為每粒飯既份量放得太少..到整出黎既成品成唔到圓形, 只做到半圓...><)
再加入牛奶蛋漿, 好快就已經呈現左半熟既狀態啦~~~
呢個時侯就要快快手反好d小丸子喇
多得友人既幫忙, 總算反晒全部小丸子xddd
因為我反極都反唔到lollll 原來唔係咁簡單架葉師傅....
真心佩服平時街頭小丸子檔既員工, 反得熟練又快手!
餐廳比既材料份量可以整到2 round有多, 由於係包炒飯既關係
其實食晒既話會係好飽!!! 而且章魚粒既份量都幾多下架~~~
想提醒大家, 整既時侯唔好落太多牛奶蛋漿
第1係因為牛奶蛋漿份量唔算多
第2係因為落太多既話會蓋左中間餡料既味道
第2次整叫做靚仔D喇😎😎😎
雖然整到手忙腳亂咁...XD 但係呢個章魚流心小丸子$198確實幾好玩, 帶比我地唔少歡樂 xddd
其實整緊小丸子既同時, 我地叫既烤豬肉拉麵$96亦都上左枱喇
呢個真係要襯熱食!! 好好味~~~~
佢個湯底望落平平無奇, 但其實係用左3個鐘去熬製架~~
所以真係超香超有味, 攪勻埋隻蛋一齊食口感更加豐富*v*
入面有4件烤得好香既五花肉,魚糕同埋年糕~~
不過要注意 個湯真係愈飲愈辣~~ 食到尾都要狂飲水!
最尾就係我期待已久既炸雞-- 蜜糖牛油無骨炸雞(半份)$198
鐘意佢有得揀有骨同無骨, 岩返唔同朋友既需要
而我呢d懶人就一定係揀無骨架xddd
半份份量比想像中多呢~~~ 而且底下竟然仲有好多薯條!!!
心底裡係想食脆脆熱氣類炸雞,但揀口味個陣又傻左咁揀蜜糖牛油
因為有蜜糖既關係,其實揀得呢隻口味既炸雞都係相對上無咁脆口同熱氣
但的確每件雞(連帶薯條)都充滿住又濃郁又香既蜜糖牛油味!
唔想咁熱氣既朋友都推介揀呢隻味! ^___^
每盤炸雞都會附送呢碟我最愛既韓式前菜: 醃蘿蔔
佢真係解辣得黎又開胃架~~ 正正子!!!♥
兩個人食左3樣幾飽肚既野~~ @0@ (feeling full)
p.s. 呢度大部分oppa都係唔識講中文架~~ 好可愛xdd
店家: OPPA Coffee Bar Restaurant
地址: 尖沙咀金巴利街1號F地下 G/F, 1F Kimberley Street, Tsim Sha Tsui
電話: 2386 2315/5914 5157
營業時間: 星期一至四12:00-23:30
星期五至日12:00-24:00
Openrice主頁Here
沒有留言:
張貼留言
歡迎留言分享 : )