今日終於到我黎!! 超期待同興奮! *v*~~
店面走簡約水泥+木系風格
位置唔算大.. 我諗只可以同時容納20幾個客人
相比起一般既韓式餐廳 呢度提供既食物種類唔算多
基本可以分為佢主打既熔岩pizza,年糕批,薯泥批同金便當
另外仲有韓式一人鍋,泡菜/海鮮煎餅,同埋一d炒牛肉/五花肉..
想食韓式炸雞或者部隊鍋既話,呢度無架XDD
叫完野食 好快就上左碟小小的前菜
係醃製左既洋蔥片 酸酸咸咸既醬汁配上小小辣既洋蔥 食到我好過癮XDD
但唔鐘意食酸既朋友食左一件就無再食過 : DD
最先黎到既係一人火鍋~~ 我地揀既係牛肉湯鍋(牛骨湯底)$99!
其實話係一人份量..我覺得都已經係2人份..1個人食晒既話唔使食其他野..
呢個鍋好貼近平時打邊爐既感覺~~
湯底係好清甜~ 牛肉既肥肉部分唔算太多 幾好!
鍋入面仲有好煙韌既年糕~~ 最愛就係年糕♥
另外一樣好鐘意既係鍋入面放左好多洋蔥~~ 已經煲到好淋好好食~
一人鍋有7款小食可以追加 我地就試左魚糕串+$20
估唔到勁colorful^v^!! 影相好靚..
但係食落去其實唔同顏色既魚糕味道都差唔多~
魚糕索埋湯既味道 更加好味^v^
跟住黎既係泡菜韓式醬牛肉煎餅$158
自從舊年係韓國食過好味既泡菜煎餅之後一直就念念不忘..
今日終於可以止下我既心癮喇!!!
首先估唔到原來幾大塊...開始發現自己叫多左野喇..
第二佢基本上只係超微辣~ 而夾係煎餅中間既牛肉就烤得好香脆,而且份量都唔少,每一啖都會食到牛肉片
我覺得佢成個煎餅既材料份量都分配得好好
醬汁味剛好 唔會過濃搶晒牛肉既香味 (不過如果可以辣返少少會更惹味!)
最後係今晚既主角, 亦都係為左佢而黎既--大醬五花肉熔岩比薩$198
佢其實有3個口味架..分別仲有韓式微辣大蝦味同蒜香雞肉味..
由於見識過韓國既"微辣"其實都係好辣 驚太辣所以無揀..
蒜香雞肉又覺得太普通.. 所以揀左大醬五花肉..loll (最尾先發現普通其實就係最好 loll)
先唔講大醬五花肉既味道 呢個熔岩pizza既芝士量同拉絲力係絕對絕對唔會令芝士控失望!!
批既底部+批邊都係充滿厚厚既芝士...
佢既拉絲..真係令人好好奇最多可以拉到幾遠xddd
而批邊既麵包亦都好好咬口好軟熟~~
所以食到尾即使已經好飽都堅持要食晒佢!!
而大醬五花肉..我覺得未必係人人都會鐘意既大眾味道
大醬係韓國既味噌,味道就好似加強版既豆瓣醬 都幾濃郁下架
我個人黎講接受到但唔係我鐘意既味loll
如果可以再揀過我一定會揀蒜香雞肉架 lollll
btw佢既五花肉都係烤得好香脆架~~~
2個人食晒上面個三樣野都真係幾飽.....但係味道又真係好唔錯
令人飽住咁都要食晒佢
奉勸各位落單時都要量力而為丫,,,xddd 因為呢度既食物份量都幾多下~~
下次再黎會想試埋佢其他口味既韓式煎餅呢~~
(當然仲有蒜香雞肉pizza... xdddd)
店家: Angry Oppa Restaurant & Bar
地址: 尖沙咀金巴利道73號地下A舖 Shop A, G/F, 73 Kimberley Road, Tsim Sha Tsui
電話: 2884 3266/9644 4026
營業時間: 星期一至日12:00-22:30
Openrice主頁Here
沒有留言:
張貼留言
歡迎留言分享 : )