不論環境,食物定服務都值得再黎既餐廳 [Steak Bar@中環]

呢期吉列牛大行其道, 上網search搵到呢間位於中環蘭桂坊既餐廳有得食!_!
二話不說就book左黎食飯喇~~~ (但最後竟然係無叫到吉列牛😂😂😂😂)


一心以為佢係一間普通既日式餐廳, 黎到先驚覺佢係行型格又有少少似酒吧feel既路線!
所以同周邊既環境都好相融😌
餐廳都係以木枱同埋高椅為主, 而座位隔離已經可以望到開放式廚房喇 : )
炮製食物既時侯個d香味真係超吸引xddd (唾涎三尺應該形容得幾貼切loll)


食物種類唔多..主力都係供應唔同種類/煮法既牛扒..
另外仲有羊架同埋魚柳可以揀~
價錢都係介乎$178~$248, 係呢區黎講算係中中等等既定價
而主食之外, 仲有一頁伴酒小食可以揀, 不過我地黎到緊係想食優質牛肉啦^^~

餐廳亦供應唔少酒類~~~

飲品最先黎到, 因為我地叫既2樣都係罐裝飲品黎
黎到個刻的確係有少少愕然, 因為罐裝飲品好似同餐廳既格調有少少唔match~XD
Coconut Water $35, Lemon +C $25


期待已久既主角出場了~~~!!
石燒薄切牛肉(配前菜,沙律及飯) $178


望落去平平無奇既薄切牛肉, 放上石板燒熱後有驚人既美味!♥
每一啖都滲透出油脂加濃郁既牛肉香味🤤🤤
真係超級超級好食..!!! 推介呢一款係必點!👍🏻
(我好鐘意咁樣自己燒^^ 確保入口之時夠熱 又可以自己控制熟度!^0^)


係我地忙住燒牛肉既時侯, 另一款牛扒亦已經送上喇~
安格斯西冷牛扒$248 同樣地都係附送前菜,沙律同飯~
小妹其實係第一次會叫5成熟既牛扒😳😳😳(平時會叫全熟lol)
個陣係咁諗..平時好少會捨得比多少少錢食靚d既牛扒
今晚既然黎得食 就唔可以"晒"左塊靚扒XDDD

講返塊扒, 原來半生熟唔係我想像中咁難接受lol
今次體會到一塊靚既牛扒, 唔落任何調味就已經係最完美
煎得香脆既外層加上鮮嫩既肉質!!
咬落去又多汁又軟嫩~~~😋
雖然炸蒜片係好好食 但係我都係將佢地同牛扒分開左黎食
因為我覺得牛扒單獨食係最正 = D

晚餐包既麻醬凍豆腐同柚子醋沙律
兩樣都令人好開胃 *v*

加入左飯素既白飯~ 其實我覺得唔使加飯素都ok了~~
因為牛肉殘餘係口入面既油脂同香氣已經足夠送晒半碗飯食XD
(另外個半碗用左炸蒜片夾埋一齊食>v<")

初頭有少少擔心黎呢度食會食到貴夾唔飽既一餐,估唔到會咁滿足咁離開^__^
知道餐廳唔係開左好耐, 希望係食物款式同埋非酒精飲品方面可以繼續改善,令到整體用餐經驗可以再提升: )

我地食完之後, 員工都好主動咁問返我地對餐廳既意見
好有heart既店鋪!
之後仲有香水sample送呢~~~ 好開心*v*

後記:
點解會無叫到吉列牛....🐮
就係因為黎到見到其他客人食呢2款牛...覺得好正咁*v*
加上員工既大力推介, 所以我地轉投呢2款牛既懷抱
所以....食吉列牛仍然係心願清單上XD

店家: Steak Bar
地址: 中環蘭桂坊7號地下 G/F, 7 Lan Kwai Fong, Central
電話: 2749 9908
Openrice主頁Here