我試到一間有地道風味既火鍋店
***個人覺得真係食風味, 想要靚料正湯底既話就未必岩黎食
佢係位於沙田圍博康邨既熟食中心入面
地方係超大, 環境係好似平時食大排檔咁~
價錢方面, 任飲任食火鍋$87/人頭+$48湯底
呢度基本上都好自助式服務
當然要開爐要湯底同要換gas你係需要捉住伙計去幫手
湯底方面有最基本的: 清湯, 沙嗲同鴛鴦
我地揀左清湯, 佢好快就比左包李錦記豬骨火鍋上湯湯包比我地lolll
呢個係有d估唔到既xdddd 不過都幾特別呀xddd
黎緊就介紹下佢提供既食物啦~~
以上係丸類腸類魚片類... 其實真係超級多款呀!
唔好講質素住, 佢既款式真係係其他火鍋店唔會搵到咁多既!~~
不過都希望大家唔好因為興奮得滯就過量咁拎.. 都係要量力而為呀~~~ 唔好浪費食物! : >
我地2個人 當然試唔晒咁多款... 只係試左:
廚師腸 獅子狗 魚片 芝士腸 星形&魚形魚糕 紅腸 墨魚丸 芝心丸 海膽丸 *紫薯丸 *奶皇丸
以上12款食物基本上質素都唔錯呀~~~ 無因為價錢平而入劣質貨
但係最後打左***個兩款..就唔建議大家去試😂
紫薯同奶皇餡放入丸入面 仲要黎打邊爐 真係好唔match!XDD
丸類隔離就係呢d內臟類海鮮類同埋肥牛!
內臟我係唔食的👶🏻👶🏻不過友人有食到 都係正常質素
但係肥牛就好一般喇... 唔期望有牛味呀 但肥膏既比例都太多喇... 食一啖入面得好少係放得入口既肉.../^\
至於d蠔同青口 我地都覺得睇樣似會伏所以直接skip左!
丸類既另一邊就放住呢d粉絲 蓮藕 南瓜片 芋絲 木耳同蕃茄等等
我地淨係拎左蕃茄去熬個湯底~~ 到最尾都有食返晒呢~
蕃茄夠鮮甜 可以試!!
而另一邊就係蔬菜類既集中地喇~~~ 淨係食左西洋菜
出奇地好食喎~~~ 新鮮靚菜黎!
仲食左金菇 腐竹同粟米
三樣都好正呢~ 特別係粟米呀 好鮮甜!!! 又係估唔到佢會比ok既食材
公仔麵同烏冬都有試到~~~ 2樣都係高水準呀!
特別係估唔到烏冬味道同口感都高分
因為以前試過自己係超市買烏冬煮...稍為貪平都會買到難食既烏冬
但係呢度既烏冬係高質!! 有驚喜*v*
而不嬲都鐘意食炸魚皮既我 今次都忍住手...
係因為....見到個樣唔係好靚.....伏既機率幾大下😂😂
最最最後 提醒大家呢度係有海蝦食架!! 不過就唔係自由拎
你同姐姐講幾多人 佢就會夾比你架喇~
又一個喜出望外之作 竟然係又大隻又新鮮🍤🍤🍤
而且我地2個人佢都夾左十幾隻比我地, 好開心好夠食~ ;>
飲品方面只得4款: 可口可樂, 芬達橙汁, 雪碧同玉泉忌廉~
雖然我地唔係好好汽水...但都覺得係呢度飲支裝汽水係幾夾既~
同埋係支裝 幾有懷舊feel >v<""~
環境黎講呢度一定唔會屬於好, 食到最最最尾個時...
我地仲見到有一隻好細隻既蜘蛛仔係碟底出現左....
如果唔係呢隻蜘蛛仔既出現, 我都會覺得呢度環境其實地茂得黎算係整潔...~
雖然佢體質真係好細... 但見到始終會有少少驚
我覺得呢度性價比係幾高既..
如果環境都可以改善少少會更加更加好!!
btw我地係星期四晚黎食...都坐得好爆下...
如果想黎試既可能都要預下時間早少少黎
店家: 新廣發 Sun Kwong Fat
地址: 沙田沙角邨熟食中心12號舖 Shop 12, Sha Kok Estate Food Centre, Sha Tin
電話: 6800 5991
營業時間: 星期一至日7:00-4:00
Openrice主頁Here
沒有留言:
張貼留言
歡迎留言分享 : )