雖然個陣真係覺得超辣但係辣得黎又真係好好味好過癮..XDD
辣炒雞係好地道既韓國菜式, 最重要係價錢一d都唔貴呢~~
所以係明洞柳氏家個餐都算係韓國之旅入面最難忘既一餐~~
係香港已經開左一段時間了..岩岩開張既時侯實在係太多人黎食..所以一直無機會試試香港既味道
到今日 終於黎到喇T____T!!!
仲要係超方便既沙田新城市廣場!!
鋪頭都幾大~~~ 但係枱與枱之間既距離唔算太闊
尤其之後會有員工過黎幫手炒雞..令到有少少難出入
(有自助食物飲品區, 一定會經常出出入入架xdd)
基本上60分鐘既份量已經完全夠食~ 炒雞雖然係好好味 但無限添加既話會太飽...loll
lunch 60分鐘只係$88咋, 已經連埋自助食品區, 真係幾抵食呢~~~
(完全搵唔到要夜晚黎食既原因XDDDD)
炒雞1次+自助區美食,飲品及甜品(60分鐘) $88
炒雞&海鮮1次+自助區美食,飲品及甜品(60分鐘) $118
因為有自助美食區 餐廳都有提示唔好浪費食物, 否則每食剩100g食物會收返$10食材費
(不過都係見到好多枱都食剩超多野食.....><)
黎緊先介紹佢自助區有d乜 (意想不到咁多款!):
先有一個生菜包既區, 主要都係一d泡菜同配菜加醬汁
自己揀 再用生菜包住食~~ 由於大部分都係辣既 所以我無食到~~
再黎係有5款韓國傳統食物既熱食區
包括: 魚糕湯, 辣炒五花腩, 烤牛肉, 炒粉絲同埋炒雜菜
個人認為5款入面得烤牛肉同炒粉絲比較入味
其他都一般般.. 而整體黎講食物keep得唔夠熱!
再黎係3款炸物: 蜂蜜薯條, 炸餃子同脆炸雞!
對薯條太失望..... 太乾身 而佢個蜂蜜味亦有少少怪怪地
炸雞尚算唔錯 炸餃子都係比較淡味...
佢供應2款湯/鍋: 海鮮豆腐鍋同海帶湯
本身想清下熱飲返碗海帶湯 但一打開見到成層油... 還是放棄了....loll
最令女士開心相信都係見到大大個甜品櫃呢一刻!!
蛋糕款式共6款!! 而且件件都係細細件 岩晒心大心細款款都想試既大家!!!♥
蛋糕以外 竟然仲有大量雪糕供應!!! 其實望到呢一度已經覺得呢$88/$118比得好超值....
雖然未必食得到咁多野.. 但起碼有咁多個選擇係度~~ 超開心♥
飲品方面 除左有大大個雪櫃放住各款韓式汽水外 難得地照顧到飲熱飲既朋友(me!!)!!!!
有咖啡機可以自己沖茶,咖啡,朱古力等等~~
介紹完自助區, 終於黎到主角 招牌鐵板雞+海鮮!!!
鐵板雞有4款特色醬汁可以揀:
柳氏家辣炒雞(2隻辣椒仔)
炭烤味辣炒雞(3隻辣椒仔)
烤肉味炒雞(1隻辣椒仔)
味噌蜜糖炒雞(無辣椒仔)
我地揀左唔辣既味噌蜜糖味~!!
同係韓國一樣 員工會幫你將食物炒熟
但製作需時又有60分鐘限時 呢段時間最岩就係去試下自助區既食物
溫馨提示: 自助區食物質素一般 唔好食太多如果唔係之後食唔晒主菜既機會好高XDDD
前前後後夾埋都炒左大約15分鐘先完成~ 仲未落個炒飯架
呢個真心好味!!!♥♥♥♥
即炒既雞件真係又香又嫩滑!! 而且份量都唔少(覺得抵食!)
而一齊炒既配料 例如菜絲同洋蔥都係超香超惹味
真係有返係韓國個時食到既風味! (除左今次係唔辣之外xdd)
加$30既雜錦海鮮都好抵加!! 除左有青口同海蝦各一外 仲有大量八爪魚係入面!! 配埋醬汁一齊炒又係超級入味~~~
年糕都有分3款架~ 呢一款係中間有流心芝士餡架~
雖然真係會好飽... 但係都係忍唔住會食晒!
而另外2款分別係普通年糕同埋蕃薯年糕
蕃薯年糕中間係有蕃薯蓉..雖然係幾特別但其實食落幾淡味!
食到一半左右可以叫員工幫你落埋個飯去炒~~~
炒飯沾染晒味噌蜜糖醬同埋頭先雞肉海鮮既肉汁
真係好好味~~~~!!
好好好可惜既係最後都係食唔晒個飯.....><
初頭食自助區野食既時侯實在太瘋狂了....
眼見好多枱都食剩好多野...
真心奉勸大家唔好好似我地咁 眼闊肚窄..
自助區既食物 每樣試少少就夠
因為真正既主角就係炒雞/海鮮同埋個炒飯(仲有韓國拉麵可以揀~)
因為係香港柳氏家係屬於牛角集團旗下, 所以我地用牛角卡可以有9折~♥
所以呢個lunch埋單就係$88+$118=每人$103
食到超級飽
以後想食都係會lunch time黎食啦~~~
店家: 柳氏家Yoogane
地址: 沙田沙田正街18號新城市廣場一期7樓709號舖
Shop 709, 7/F, New Town Plaza Phase 1, 18 Sha Tin Centre Street, Sha Tin
電話: 3571 9993
營業時間: 星期一至日11:30-23:00
Openrice主頁Here
沒有留言:
張貼留言
歡迎留言分享 : )