老鴨湯火鍋 又補又好味!!♥ [金撈老鴨湯刺身火鍋專門店@佐敦]

天氣一涼返少少就要打邊爐 是常識吧! haha
今晚去左呢間朋友介紹既老鴨湯火鍋店..其實咁大個女都係第一次食用鴨做湯底既邊爐(大鄉里mode) ~~


位置就位於佐敦同油麻地既中間點.. 而我就選擇左由最近既柯士甸站行過黎
今晚清風陣陣 路上又無乜車 靜靜地咁行過黎其實都幾舒服 : )



行左大約5分鐘左右就搵到啦 : ) 鋪頭比我想像中大同乾淨~

老鴨湯對身體的益處~



除左老鴨湯之外 呢度亦有提供傳統既火鍋湯底, 價錢平一大截..
不過既然黎得呢度緊係要試佢既招牌老鴨湯底~!
除左肉類同海鮮之外, 佢都有幾多自家製既特別小食款下~


未食火鍋 先混醬~ 唔知點解見到咁colorful既醬汁覺得好靚 影左超多張相loll
醬汁收每人$20架~~ 所以我地唔執書樣樣都落左d~ xdd


主角上場了!!!*v*~ 金撈富貴老鴨湯(半隻)$198
半隻鴨份量都唔細呢~~ 仲見到好多蟲草花同杞子飄黎飄去xd
一路滾 就一路聞到d鴨香味慢慢滲透出黎!

超嫩滑軟腍既鴨肉~ 基本上你一夾佢就變成一絲絲..就咁食已經好好味!
店家另外提供一碟小小的辣醬係沾鴨肉食既~ 個人覺得佢辣得黎都幾過癮, 好辣既朋友一定會好鐘意!
煲好鴨肉湯後就先飲湯.. 呢個湯真係一家大細都會岩飲
又清甜 又補身!! 連帶湯內既醃蘿蔔粒都超級香甜, 變得超受歡迎xd


飲完鴨湯之後就可以沿用湯底(如果唔夠湯員工都會幫你加返)正式開始打邊爐~~~!!

首先試既係店家自創既新鮮螺肉豬肉丸$88
我幾鐘意佢既豬肉味道,首先唔會有平價豬肉個陣臊味..呢個真係好緊要...有個陣味既話真係會放唔入口..
另外就係食得出佢係好新鮮~
不過我覺得螺肉同豬肉都係分返開食好食d~~ XDD
因為各自都有各自既鮮味~ 唔需要特登放埋一齊XDDD


澳洲M9和牛粒$118 呢個真係不得了..!!!!
其實第一次打邊爐係落牛粒而唔係牛片, 但真係估唔到成件事係超級正!!!♥♥♥
和牛呢家野真係一食返唔到轉頭T_____T
實在係太!好!食!了!! 估唔到係火鍋店都食到入口即溶既感覺..!!
而牛味同埋適當既油脂感就繼續係口入面徘徊.....
佢既份量我覺得唔算少! 呢個性價比係好高!!!
一定要叫!!
(p.s.無沾過佢個麻醬, 亦都唔使沾豉油~)


疊得高高的 紐西蘭羊肉片$78 呢個同樣係意料之外的好吃!!
我會形容呢碟羊肉係香而不騷, 肥瘦適中~~~
鐘意羊既朋友會愛上 唔鐘意羊既朋友 應該都唔會抗拒~
值得一試呢~


同時亦都試左員工大力推介既自家製冰黑豆腐$58
賣相的確係幾特別
黑黑的蜂巢豆腐索晒鮮甜既湯底~ 而且仲係用有機黑豆整既
感覺更加健康~~ hehee*v*

最後我地叫多左個自家炸響鈴卷$48 注意呢個係即叫即炸製作需時!
真係同平時食既響鈴有分別..!! 呢度既係薄身好多
而且基本上係一浸落湯底就會變淋
我自己好鐘意呢種超薄脆既感覺~~ 不過同行朋友就鐘意平時比較扎實返少少既口感~!

洛神花茶$16 見到功效係養顏美容就即刻叫左lolll

食完竟然仲有珍寶珠做甜品呢~~~ 好surprise! 兒時回憶黎🙈🙈🙈
(不過姐已經戒左硬糖好耐XDDD 所以得個睇字無食到~~~~)

食左和牛又飲左鴨湯 total $728.2 以呢個食物質素我同朋友都覺得可以接受!

*不得不提 呢度既員工姐姐全部都超級nice同親切!
因為我朋友今晚遲放工 我自己坐係度等左45分鐘
姐姐得閒都會同我吹一兩句水..佢地好可愛!
令到我自己一個坐係度都唔覺悶/唔會尷尬~~
佢地仲好貼心咁幫我將個鍋調到最細火, 等我朋友黎到個時就岩岩好可以食!

以呢度既食物質素同服務, 絕對會再回頭~~~

店家: 金撈老鴨湯刺身火鍋專門店
地址: 佐敦文昌街25-47號文昌樓地下41及43號舖
Shop 41&43, G/F, Man Cheong Building, 25-47 Man Cheong Street, Jordan
電話: 2332 7600
營業時間: 星期一至日15:00-2:00
Openrice主頁Here