有心思的日式良心小小店 [雪瀛手作@北角]

呢間店之前上網見過有人推介 .. 一直都想黎
所以今日就襯住去開北角上堂, 偷少少時間黎試下

雖然佢地址係寫北角, 但睇返地圖 其實係近炮台山站多D架~
位於一個比較舊式既商場 (城市中心)入面~
呢間真係小店黎, 所以有少少難搵呢~ 最後發現佢原來隱身係一間髮型屋隔離既小角落 : ) 有自成一角既感覺

小店主要供應自家製飯堡 : )
有6款可以揀~ 醬汁都可以自己揀呢:: 胡麻醬/黑芝麻/千島醬/青芥末
呢度既"漢堡" 全部都係用壽司飯+紫菜黎整
比真正既漢堡健康得多呢 ~ (而且價錢合理~ 由$28~$48不等)


除左日式飯堡之外, 呢度仲有少量日式小食呢~
今日就見到有中華沙律, 味附螺肉 同 芝麻八爪魚 : )

仲有店家自製既鮮榨果汁飲品~ 口味特別, 分別有::
草莓+番石榴乳酪 // 清香柚子蜜 // 香芒乳酪 // 沖繩蜜瓜奶
另外 仲有一d日版汽水可以揀

雖然只有6款飯堡, 但足以令人有選擇困難 LOL 因為款款都岩食呀
最後揀左 肉汁漢堡$40 配胡麻醬
呢度係即叫即製架, 所以要預左等一等 : > 等既時侯可以試住呢度既飲品先

漢堡比想像中厚身呢 ! 而且仲加左生菜, 蕃茄片同熱辣辣既芝士呢 !
食入口真心有驚喜! 漢堡扒本物好有肉香, 加上真係夠Juicy ~~
同熱溶左既芝士好match啊! 又有埋生菜同蕃茄中和返油膩感
另外 醬汁份量好適中, 唔使擔心過多過濃既問題啊

我覺得另一樣令佢咁好食既因素 係用既紫菜夠薄夠脆身, 同埋珍珠米好好咬XD


店員話, 沖繩蜜瓜奶$18 係最多人揀架, 今次我跟大隊 XDD
首先 佢真係幾大支下, $18有呢個份量 真係抵
一飲 果然係不錯呢, 口感好幼滑啊~ 蜜瓜味都好突出, 不過覺得甜左少少呢
如果少返d甜會更好 : )


時間關係 我係外賣拎去課室食架 ~ 包裝美美的, 亦都好有日系感

拆開食個陣 發現原來可以whatsapp下單預訂呢~
即係下次黎上堂 都可以電話落定單, 慳返d時間!!


雖然係好細既小店, 但呢度既裝修有用心設計過呢
有d夢幻感, 但更深既感覺 一定係好日系, 好似踏入左日本咁呀 : ) (掛住日本... /^\)
良心小店, 值得香港人支持 !

店家: 雪瀛手作
地址: 北角電氣道233號城市中心地下83號舖
Shop 83, G/F, Maxi Mall, 233 Electric Road, North Point
電話: 57401085
Openrice主頁Here