性價比高的Weekend Brunch🍽 [Odelice!@尖沙咀]

之前已經成日聽到朋友推介呢間法國菜小店, 望到佢地影D Crêpes好似好正咁
今日終於夾岩時間 同男朋友黎個悠閒Brunch time喇 !!!

位置方便呀, 就係尖沙咀The One 4樓電梯口~



連餐廳設計都充滿法國風味 ! 一半位置係半開放架 ~~
成間都係以湖水藍色做主調, 加上高樓底 同黑白間地板
令人好有置身於法國茶座既悠閒感, 同時又帶點復古 feel : )

牆上都掛有法國當地風景既黑白相 ~



想講呢度既Brunch Set price range實在幾廣~ 由$48至$168都有 任君選擇
以法式食物黎講 價錢唔算貴, 屬中價, 窮L如我 都afford得到 !

本來男朋友想試下 呢度既青口, 可惜已經賣晒喇 ! 因為係限量供應呢… 下次要早D黎試先得
由於係Set既關係, 係連埋湯或沙律二揀一架~ 我同男朋友兩個人 岩岩好可以試晒~
湯係 薯仔忌廉湯 ~ 無濃烈既調味 但有好天然既薯仔香!!
仲有 不停飲到薯仔粒 !! 飲完都唔會滯, 很不錯既湯!

沙律 配料都幾多~ 有青瓜, 洋蔥, 蘿蔔絲同蕃茄粒~ 味道清新


等左一陣, 第一個主食終於黎喇😍 香酥蟹肉餅漢堡 $145 (Set連湯/沙律)
完全無諗過塊蟹肉餅會咁厚 !! 第一樣要讚一定係炸既手法同程度 非常好
蟹餅雖然厚 但熟度均勻, 整塊都充滿鮮味既蟹肉絲 而且唔會乾 !

相反 令有人好juicy既感覺, 除左蟹肉之外 蟹肉餅入面仲有一D素配料, 例如青椒
令到味道無咁單一 仲會清新減膩D, 非常有驚喜
其他配菜 (洋蔥, 蕃茄, 生菜, 牛油果醬) 都食得出新鮮~
麵包係用經典既法國brioche, 香甜軟熟 : )

拌碟既 薯條 都不容錯過, 因為炸得香脆, 咸度又適中~
同埋佢配既 香甜辣椒蛋黃醬 都好惹味~ (不過真係幾辣呀對我黎講)


第二個主食:: 法國鵝肝蕎麥薄餅 $130 (Set連湯/沙律)
大大塊法式薄餅, 入面包住焦糖洋蔥, 洋蔥淋身又甜甜地, 同蕎麥香都幾夾~


鵝肝好香🤤 但油脂感唔算太出
呢件薄餅仲配左 無花果醬, 好特別呀 ! 食落口係幾清甜~ 有少少似士多啤梨果醬既感覺 ~

最後 ,,, 黎到呢度 無理由唔食Crêpes !!!
由於實在太多款, 唔知點揀好, 所以直接問店員推介邊一款XDD
結果佢推介左:: Nutella榛子朱古力醬, 煎香蕉 法式可麗餅 $45
( 叫完之後 先知原來男友係唔食Nutella架OMG😂😂😂)
一定一定要襯岩岩上枱時食, 因為仲係好熱辣辣架 !! (製作都需時, 最好早10分鐘左右叫定佢上)

榛子朱古力味好香濃☺ 塊Crêpes充滿蛋香 又軟淋淋~
連D香蕉都太正, 係淋上左焦糖醬再煎香架 !!! (男友無食Crêpes都偷食左D煎香蕉 LOL)
我都估唔到自己可以一個人KO晒成份😂 雖然好飽但確係滿足既~

男友今日要補身~ 所以無飲凍野, 仲叫左好養生既 :: 東方莓果茶 $42
淨係目測都已經見到好足料既:: 龍眼, 枸杞同 紅棗

可以加埋店家配既玉桂曲奇 ~ 同埋落埋蜂蜜落去, 會更加好飲 ~

我叫既係:: 草莓香蕉沙冰 $42
100%天然成分, 新鮮即榨架呢~ 飲落去真係幾raw 香蕉味同士多啤梨味既比例大約係6:4 ~
無加多餘既糖分, 亦都無加冰 唔會過凍~~ 好健康既感覺☺

成個用餐體驗都好好, 連員工服務都好周到, 你一要搵人就即刻有人黎
食物質素確係高 ! 特別以呢個地段呢個價位黎講 !
仲要咁多唔同款式.. 絕對會再返黎食呀~


店家: Odelice!
地址: 尖沙咀彌敦道100號The ONE4樓L407號舖
Shop L407, 4/F, The ONE, 100 Nathan Road, Tsim Sha Tsui
電話: 25202136
營業時間: 星期一至日11:00-22:30
Openrice主頁Here