今晚同男友行開黎佐敦呢邊, 經過呢間小小CAFÉ 見到竟然坐滿晒 ..
好奇心驅使下 決定入黎幫襯, 睇下點解會咁多人黎食
CAFÉ 係長形設計, 一邊係座位, 另一邊就係開放式廚房 ~ 仲有蛋糕櫃係收銀旁呢 ! (永遠最吸引到我的位置)
CAFÉ 樓底幾高, 雖然地方唔大 但感受到呢度幾有性格, 而且亦坐得舒服呢
自助形式斟水飲~ 仲有D調味料有需要既都可以自己拎
呢度仲有出售咖啡有關既用具同咖啡豆呢 ! 仲有, 擺放住滿滿既獲獎證書同獎盃~
店主係個好厲害既咖啡師 ~ 呢度亦都係以售賣精品咖啡為主的咖啡廳
食物款式比起一般café 都要多呢~
有bagel, croissant, butter brioche, linguine, salad, all day breakfast 同一D小食~
而唔同種類既咖啡 當然係呢度既重點 : )
咖啡以外, 亦有茶類, 朱古力同果汁供應 : )
牛油果蟹肉法式奶油吐司 $95
蟹肉份量實在係非常多 !! 而且食落去係濃郁既鮮味呢~
法式奶油吐司口感係勁濕潤, 麵包皮帶有少少煙韌, 幾鐘意呢個反差 ~ 吐司味道微甜
吐司上搽滿牛油果蓉 ! 不過味道已經比蟹肉蓋過晒 XD
覺得如果牛油果味都突出D既話, 呢份butter brioche就perfect !
男友揀左 All day breakfast – Monster $115
All day breakfast 呢度係有4款, 有veggie, American同Classic : ) 而男友揀呢一款係最多野食既一款, 適合好餓既人揀 XD
煙肉, 紐倫堡腸, 煙燻黑椒牛肉, 炒蛋, 煙三文魚, 黑松露薯蓉, 大蘑菇, 紅黃車厘茄, 新鮮水果, 沙律菜, 秘制焗豆, 法式奶油麵包
每一款食物都係水準以上, 不過我最最最鐘意既 一定係黑松露薯蓉 ! 每啖都食到陣陣松露香~
仲有 水果一D都唔hea, 今日係青提子+藍莓呀~ 兩款都清甜解渴
紐倫堡腸 同大蘑菇 我都好鐘意呢 !
男友就鐘意食 煙三文魚, 而且佢話份量都唔少啊
受不住誘惑 … 追加左一件 Strawberry Mousse Cake $52
(淡粉紅色 真係好靚 !)
質地偏流質, 屬於幼滑口感 ~ 有天然既士多啤梨香味, 完全唔會假/藥水 !
天然蛋糕味道 配返較甜既Oreo餅底, 好夾 !! 十級推介大家試埋佢地既cake!
男友叫既 玫瑰鮮奶咖啡(凍) $50
飲落覺得好香醇 ! 玫瑰味唔會太突出但係夠香 !
綠茶鮮奶咖啡(熱) $48
呢個好出色啊! 綠茶既甘甜好突出, 鮮奶香滑, 不錯啊~~
整體黎講 覺得呢間係一間有誠意 提供優質食物同咖啡比客人既小店
食物同飲品 都食得出店家既心思
價錢亦都合理, 不過座位真係唔算多, 想試既話 早少少黎啦 : )
店家: Studio Caffeine
地址: 佐敦廟街284號地下 G/F, 284 Temple Street, Jordan
電話: 27933480
營業時間: 星期一至六8:00-22:00, 星期日8:00-18:00
Openrice主頁Here
沒有留言:
張貼留言
歡迎留言分享 : )