朋友之前已經食過+大力推介呢間餐廳, 知道大廚係前四季酒店大廚譚大民師傅
所以對呢度都幾有期望
店面以紅黑色為主調, 感覺高雅又有點型格
仲有酒吧區呢~
但我覺得最靚既係佢戶外位置, 有大大幅壁畫, 仲有電視睇 XD
員工服務主動同周到, 同時亦對食物好熟悉, 係好專業既service
打開Menu, 發現呢度既款式同出面餐廳都好唔同, 幾特別
朋友解釋, 譚大民師傅好著重烹飪技巧同菜式設計
所以呢度既款式基本上都係以食材品質為出發點 由譚師傅自由選材同創作
未點餐, 員工就送上左店家 自家製既餐前麵包, 分別有 ::
提子包, 牛油餐包, 栗米脆片 ~ 配上黑醋, olive oil同海鹽牛油
幾鐘意海鹽牛油~ 甜中帶微咸 XD
前菜 我地叫左:: 牛油慢煮龍蝦(半隻) . 龍蝦泡沫 . 日本海膽$198
單試個龍蝦泡沫 已經好正!!! 充滿龍蝦精華同埋牛油香氣 😍
半隻龍蝦 啖啖肉 肉質好彈牙 ! 沾埋泡沫食係雙重享受~~
海膽甘甜到一個點 (平時連去日本食都唔覺得好食既我 竟然都鐘意左)
海膽配埋龍蝦加泡沫一啖食晒 先係最正既食法😋 我同朋友都覺得呢個係一定要試!
本來想試下好特別既 粟米忌廉湯配粟米雪糕, 可惜今日無 T____T
所以就轉左叫另一個 都吸引既:: 海龍皇湯$268
呢一款係4款湯入面最貴個款, 但的確飲得出 落足料去煮
超濃既龍蝦味, 濃郁而不飽滯
甘鯛魚 既魚鱗炸脆左, 下面既魚肉就好鮮嫩
蝦夠大隻, 不過就略嫌無乜鮮味
另外仲有魷魚同青口在內啊~ p.s. 拌碟既麵包都好好食
主菜選擇唔少啊, 有9款可以揀 ~
我今日就揀左比較健康既::
68度慢煮日本雞胸 . 溫泉蛋 . 薯片 . 辣根薯蓉 . 燒泰國露筍 $168
( 其實係睇中左佢既薯片 XDD)
慢煮既關係, 肉質特別嫩 同埋完全無筋, 本身雞肉無加好多調味
所以一定要撈埋溫泉蛋一齊食呢~ 薯蓉都好香甜同滑身 : )
但我最愛既係手工薯片, 好香脆同有自然香料既味道 ~
朋友叫既係:: 威靈頓鹿柳 . 黃菌汁$328
話說平時好少係香港食到鹿肉 ~ 佢表面同牛肉差唔多, 但係一食個味道就會分辦得到~
呢一道製法好特別, 將厚身既鹿柳 藏係酥皮內~ 就咁睇 係唔會估到入面係咩黎
鹿柳厚身 口感仍然充滿肉汁, 無焗得過乾呢~ 口感比起牛肉扎實, 但同時亦有少少羶味
鹿柳同酥皮之間 仲夾離左唔少菠菜同酸菜, 令整體味道再豐富D~
仲想講 幾鐘意個酥皮, 焗得好香呢~
不過鹿柳未必人人都接受到, 想穩陣D既話 建議都係揀返牛肉啦~~
餐廳都有甜品供應呀~ 不過今晚我地實在食得太飽… 試唔到 ><
雖然今晚都食得有點貴, 但回想返食物+環境+服務 其實都係水準以上
(話係酒店級食物質素 絕對唔過份)
想食正西餐既朋友 一定要黎呢一間試試
店家: Nathanhouse
地址: 尖沙咀山林道38號地舖
G/F, Nathan Hill, 38 Hillwood Road, Tsim Sha Tsui
電話: 23888193
營業時間: 星期一至日11:30-14:00, 15:00-17:00, 18:00-23:00
Openrice主頁Here
沒有留言:
張貼留言
歡迎留言分享 : )