近年 香港開始興起 由日本傳黎既熱石牛扒 ~
愈黎愈多地方都有得食喇 ! 不過價錢確係偏貴..
但今晚朋友帶左我黎呢間 無極牛排, 性價比竟然幾高 !
地方唔算大 但係感覺幾舒服
最平個款係 牛肩胛, 係其他地方唔係咁易食到呢 !
而且價錢合理 只係$88 !! (200g) 可以用呢個價錢食到 熱石牛扒 真係幾抵
而且仲可以按個人食量 揀返要200g/300g/400g, 咁樣好好~~
( 見到lunch menu仲抵… $88既lunch set包埋任食沙律, 麵豉湯同白飯 !! 可惜我公司唔近呢頭 >_<)
我地見到 仲有期間限定既 澳洲M6和牛, 忍唔住叫左😆😆
同樣都係有200g/300g/400g揀的!
落完單後, 可以出去 醬料自助吧 調配醬料啊
醬料款多到一個點, 成十幾款 XDD 有點不知所措 LOL
但見到店家貼左一D佢地推介既調法~ 一於 跟 !!
整完之後返位, 員工就送上 沙律同飲品 比我地喇 : )
( 我地加左每人$30配餐, 可以無限添加白飯, 沙律同湯, 同埋配一罐汽水/水)
沙律係高麗菜絲 ~ 店家連同麻醬同燒汁一齊送上黎
大家可以揀自己鐘意既 加入沙律度
再等多一陣, 我地期待既牛扒就送到喇~~
牛肩胛200g $88 (呢度唔收加一呢, 令到成件事更加抵 !!!)
呢度既牛扒上枱時 大約燒到1成熟, 然後 我地就可以按自己喜好 燒到適合既熟度 !
牛肩胛係黎自美國既安格斯牛呢
肉味幾濃郁, 而且肉汁豐富.. 佢係屬於比較有口感既一種 ~
個人覺得不錯啊!
澳洲M6和牛 200g $318
超級厚身的一件😍
肉質果然比較軟嫩啊 !! 建議大家可以切細件少少咁燒, 會燒得平均D
店家完全無落調味架~ 我覺得落少少鹽落去 已經將牛味提晒出黎 : )
不過沾下唔同醬汁 又真係有唔同感覺 !!
真係幾鐘意店家推仲既其中一款:: wasabi+日本酸汁
因為佢食落幾清新, 可以減淡返飽滯感呢
大家可以係牛扒剛剛上枱時就落鹽同黑椒 幫助提味~
整體黎講 性價比高, 而且牛肉質素不錯, 醬汁亦有好多款可以自由配
員工服務幾好, 食物都唔需要等太耐, 愛食牛既朋友 可以黎試試~
店家: 無極牛排
地址: 尖沙咀寶勒巷10號8樓 8/F, 10 Prat Ave, Tsim Sha Tsui
電話: 60513972
營業時間: 星期一至五12:00-15:00, 17:00-22:30, 星期六至日12:00-22:30
Openrice主頁Here
沒有留言:
張貼留言
歡迎留言分享 : )