Loveatjournal吃喝玩樂日記: 夏日必備的保濕噴霧, OLAY全新微米級精華噴霧輕輕一噴即時保濕!

大家覺唔覺得香港真係愈黎愈熱 .. 熱得黎仲好焗..
我朝朝化妝途中塊面已經出晒油... 未化晒已經開始溶
加上出門後口就係太陽底下暴曬, 返到公司又困係冷氣房入面...
皮膚唔乾都難... 所以真係好需要時刻補充面上水分
呢個時候, 保濕噴霧絕對係夏日必備既護膚item !
可以隨時為肌膚補補水!
又可以令個妝更加貼服!

最近試左OLAY全新活膚保濕精華噴霧
大家可能都同我一樣已經用過唔少類似既保濕噴霧, 但呢一隻特別在佢唔係只含水, 而且仲含有精華成分架, 等我試試佢同坊間既有無分別啦 !

噴上面時, 感覺到佢既微米級保濕水珠, 比平時用既更加輕透 ~
皮膚好快就徹底吸收晒~ 好爽!
而且仲有淡淡果香, 幾fresh
以前用開既, 雖然噴上面個下係好舒服, 但皮膚吸完個下之後好快又乾返..
而OLAY呢一隻保濕精華噴霧, 因為含有精華成分, 水潤感維持到一段長時間~

舒緩保濕精華噴霧內含洋甘菊同精選有機蘆薈, 可以即時舒緩肌膚~
上網search過洋甘菊仲有抗氧化同抗炎等功效tim~
另外仲加入左OLAY皇牌成分維他命B3, 可即時鎖水保濕
OLAY既B3純度更高達99%以上及獲得日本藥妝QD級別認證, 功效更顯著!

其實我覺得保濕噴霧係其中一樣女生必備item黎.. 好多時候都會幫到手
放定一支係手袋, 隨時隨地幫肌膚補水, 方便補妝個陣令底妝貼服D
化妝前後又可以噴黎加強保濕... 什至做完運動都岩用, 有降溫舒緩效果
黎緊我諗住帶埋佢一齊去旅行~ 因為搭飛機會令皮膚勁乾.. 上機用岩晒
而且OLAY微米級精華噴霧 98ml Pocket size, 可以hand carry上機呢~