話說好多年前去台灣旅行 已經認識左呢間 因為招牌甜品蜜糖吐司而好出名既少女風Café
就連係台灣本地都要排隊先有機會試到架 ..
香港就更加唔例外啦 .. 加上呢度無得訂位 .. 放假想直入, 最好都係早D黎到 :>
上年都有同朋友黎過食晚飯 .. 估唔到今日再黎, 佢已經唔同晒喇
成間餐廳都裝修過, 我覺得係少女風之中, 亦變得更加Trendy呢
同埋戶外戶內有各自既特色~ 戶內感覺會chill d, 同埋好彩既話有一排靠窗位 可以睇景
亦有卡位 坐得舒服D~
而戶外就多好多打卡位, 同埋似坐左係個小庭園入面咁~
今次黎到, 連Menu都無喇~ 原來佢地已經轉用左digital ordering
其實我覺得幾好, 唔使次次轉Menu都晒紙印, 客人又可以係手機落單幾方便 : )
順帶一提, 原來呢度既員工都係著女僕裝束架 ~ 感覺好似更加夢幻
係度用餐 都幾有輕鬆感覺 : )
同媽媽叫左一碟意粉+一份小食+2杯飲品一齊share ~
唔可以食太飽 因為要留肚食甜品呢
地中海炒菌菇 $45
鐘意食菇菌既我地 一見到呢個小食就即點~!
菇菌份量適中
平時出街食呢款 多數都幾油下, 但呢一度唔會呀, 應該係因為無用牛油去炒~
雖然無落牛油, 但係食得出用左好多蒜頭同香草去炒香~ 味道同熟度都不錯, 可以encore
佛羅倫斯花枝干貝麵 $98
呢一款 賣相唔算特別討好, 但質素是不錯的
帶子只有2粒, 但炒得惹味, 肉質亦鮮甜肥美, 魷魚圈3-4件, 味道同樣不錯
但最鐘意既其實係佢索滿醬汁既麵條啊~ 麵條比平時食到既意大利麵幼身同圓身, 食入口口感幾好
醬汁偏咸左少少, 但我同媽媽覺得其實幾好味
媽媽叫的 玫瑰蜜香奶茶(熱) $50
有淡淡玫瑰香, 奶味香濃, 不錯
仲夏熱帶水果茶(熱) $52
大愛呢一款, 甜酸度拿捏得好好, 兩者比例適中~
然後, 水果種類唔少啊, 有:: 橙, 蘋果, 提子同士多啤梨
最後, 我們期待的甜品出現了:: 京都宇治抹茶紅豆鬆餅 $85
覺得呢份甜品相對起黎 幾抵叫
首先佢份量唔少, 其次係質素高, 好多其他甜品店既窩夫都賣到好貴, 但又無質素保證呢…
窩夫焗得外皮脆脆的, 中心口感鬆軟, 幾實在 幾好咬~
但唔太食到蛋香, 可能因為比香濃既抹茶雪糕完全蓋過了
抹茶雪糕好高質呢, 有濃郁既抹茶味, 真係有返係日本食抹茶雪糕既感覺
紅豆香甜 但份量唔算多, 再淋上焦糖同沾返拌碟吉士醬黎食, 係非常豐富既一碟甜品 : )
推介, 主食唔好食太飽, 點都要留肚試呢度既甜品啊 ~
同媽媽一致讚好, 整體食物實素偏高, 飲品方面就推介水果茶
不過見佢都有唔少新款推出, 下次可能都會試試
另外, 下次再黎, 一定會試埋佢既招牌蜜糖吐司, 因為見到好多人都叫, 賣相吸引~!
店家: Dazzling Café
地址: 尖沙咀彌敦道100號The ONE 3樓22號舖
Shop 22, L3, The ONE, 100 Nathan Road, Tsim Sha Tsui
電話: 23126099
營業時間: 星期一至日12:00-23:00
Openrice主頁Here
沒有留言:
張貼留言
歡迎留言分享 : )