我諗色香味俱全入面 佢起碼一定已經做到"色"先~ : )
首先上枱既係 瑤柱薺菜豆腐羹$98例牌 (分到5碗左右)
好鐘意佢清清地 成碗都充滿住菜粒同豆腐既香味~ 仲有少少瑤柱調味
金網生煎窩貼 $55
初時睇menu 就覺得好似一個雀巢咁.. 點知實物黎到 比雀巢更靚 <3!
窩貼底部呢個金網係走香脆路線 食落有少少咸味... 真係好想知道係點整出黎架!
窩貼皮唔算厚 入面既肉同之前食既小籠包一樣 帶有少少胡椒香味 比較特別既一款~
特色黑松露蝦仁炒飯 $108 呢個反而好普通! /__\
黑松露唔係好香 蝦仁又無乜味.. 成個炒飯都比較齋....
下次都係叫返其他炒飯款好d .... ><
外婆紅燒肉 $158 叫得呢個 就預左要食一大舊脂肪入口...HAHA
有得揀配百葉結或蘑菇.. 因為鐘意食菇我地揀左蘑菇~
紅燒肉用上五花腩泡製 但食落竟然一d都唔覺油
原來肉係經過8-9小時去炆熟既 所以入味得黎 油脂亦已經被迫晒出黎~~
不過份量好少呀 得6件左右><..
飄香樟茶鴨 (半隻$128) 我諗係今日之前 我其實係未食過正宗既樟茶鴨...
今次好明顯地食到濃烈既煙熏味道 (之前係其他餐廳食到既樟茶鴨係同普通烤鴨無乜分別XDDD)
鴨肉外酥內嫩.... 不過我個人頂唔順陣煙熏味....XDDD
呢種做法 應該好睇個人口味鐘唔鐘意~!
最後 以一個又香甜又脆口既甜品作結 香蕉豆沙鍋餅 $58!
雖然成份鍋餅都唔見香蕉既蹤影 但係一食落去就會知道香蕉一早已融入係餅皮度~~
外皮剛炸起 香脆非常!!! 豆沙餡則熱辣辣 軟綿綿
加上灑係面頭既花生粒同砂糖 咁多層口感實在太好味喇!!<3
下次黎要叫返呢個先得 : ) !!!
整體而言, 食物水準頗高, 種類多, 好多都即叫即製
價錢唔會特別貴, 食物份量都唔少...員工做事亦有效率
加上佢位於沙田新城市呢個超有利地理位置
相信我好快會試晒佢menu上既款>v<
沒有留言:
張貼留言
歡迎留言分享 : )