本身係諗住黎康怡Teawood 但由於人龍太長了..改去正對面的Alfafa
見到門外大大張仿舊式英式報紙既menu 都幾吸引呀!
雖然價錢都唔平 但黎得康怡食都預左... (係呢頭返工好可憐T__T)
lunch set 附送湯或沙律~ 忌廉湯味道同口感都還可以~
但係沙律味道就有點怪怪的... 食左兩啖都無食落去....
麵包無香味.... 一定要塗牛油食
焗芝士野菌雞肉扁意粉 $72
又唔係難食...但係食落去個醬汁既味道同質感硬係有少少怪....
不過雞肉同野菌既份量都唔少
焗夏威夷鮮蝦蟹柳飯配拿坡里汁 $84
呢個比上面個扁意粉好味D 起碼食到鮮茄既甜味
但係今次到鮮蝦同蟹柳份量好少.... 蝦好似得1-2隻 蟹柳得1條.......
美國牛肉漢堡 (牛肉,煙肉,芝士,黑松露醬薯條) $118
好少可食到個漢堡係可以令人咁失望... 基本上成份都無乜味道可言...除左塊煙肉好有味道
芝士 似係一個裝飾多d 芝士味完全唔突出
牛肉都偏向淡味.... 麵包更加無包香 亦都偏乾身..
$118... 仲貴過burgeroom.....=____= 品質唔值呢個價格呢..
反而旁邊既薯條炸得好香脆 咸香味適中
配埋黑松露醬食好match~~~ 加返少少分數~.~
結論係.... 下次唔會再黎... 性價比好低
希望餐廳有所改善..收咩價錢就應該提供返相應既食物品質/服務態度
本來係想慳時間先入黎 點知等佢執枱同上菜既時間
已經足夠可以排到入Teawood了=____=
沒有留言:
張貼留言
歡迎留言分享 : )