屯門日式fusion居酒屋 [留民料理@屯門]

早已聽聞 藏係屯門呢間日式料理 !

今日終於有機會入黎試一試 ~

溫提:: 就算平日夜晚黎 都最好book左位先, 因為我地食食下都差唔多坐到full晒

地點有少少難搵 … 我同朋友係屯門站轉的士入黎.. 都搵左陣先搵到

小店地方不大, 但有好多日式裝飾 ~ 仲有少少似酒吧feel

食物款式好多, 唔只有日式料理, 仲有串燒, 乳鴿, 同少少fusion dishes~

先叫前菜 :: 蟹籽溫泉蛋 晚餐+$18

有開胃作用~

溫泉蛋上有蟹籽, 炸蒜, 生菜絲 同麻醬 ~ 口感豐富

金磚豆腐 $68

炸到熱辣辣咁上枱 ! 細細粒嘅豆腐 外皮好香脆 !!

調味好輕手~ 唔會重口味, 碟上附上七味粉同椒鹽 ~ 按自己口味沾 !

(我地發現原來沾埋溫泉蛋嘅蛋漿都幾正~ XD)

花魚一夜干 $98/條

完全無諗過咁大條 !! 超多肉 !! 超肥美 !!

魚本身燒得勁香同有味,, 外皮好香脆 ! 肉質夠嫩滑, 好正啊

配辣醬油同七味粉自沾~ 醬油都幾辣下, 但夾埋魚肉又幾好食同幾刺激 XD

A5和牛膏飯 $168

飯粒被和牛膏包實, 有淡淡牛肉香氣 ~~

口感好creamy, 有種食緊日版risotto的感覺 >v<””

D飯堆埋一齊, 望落唔係好多, 但事實係份量超大, 兩個人share都覺得多

珍珠米好味呀~ 配埋翠肉瓜粒同洋蔥粒, 帶點清新感

見佢個乳鴿好多枱都有叫，好正咁

可惜今次食唔落... 下次一定要試!