又一間台灣過江龍黎到香港 ~ 仲係新張期間, 某日放工即刻搭車黎尖沙咀試試~
星期四大約~17:45黎到, 我自己一個 !
店仔細細, 都排隊排左大約15分鐘, 個人覺得可接受啊
員工仔細咁清潔枱面, 雖然見到佢地好忙, 但服務都不錯
只可以講, 芋頭控 芋圓控 黎到呢度真係會發癲
勁多款都好吸引, 配搭都好全面, 好多款都好想試 ! 💟
本來緊係想試下招牌野:: 雙芋仙草奶凍
但由於唔太好仙草既關係 .. 最後揀左 雙芋豆花 $45
台式豆花 較港式硬身(少少) , 整體唔會太甜~
芋圓同雙色地瓜圓可以話係香港食過 暫時最好味💛💜
除左夠煙韌之外 真係食到好香芋頭同地瓜味道
用 大甲芋頭 打既芋泥 .. 味道香濃不在話下
綿密度好高😋 一食就成個口腔都充滿 芋泥既粉糯
碗入面既紅豆同黑糖珍珠份量都好足~ 😋
一人份量 我覺得係剛剛好啊~ 成碗好快比我清晒
我實在太貪心.. 難得入到黎, 想試埋呢度既野飲 (但一個人食一碗+一杯野飲 堅係飽😂)
黑糖神仙珍珠奶🥛 $32
呢一杯既牛奶香味 比平時飲到既更強呢
我鐘意佢既黑糖珍珠既咬口 🤤 好煙煙韌韌
加入左滑溜仙草, 正好中和返黑糖既甜度
想講每一啖都好忙 好多野係口入面 😂 不錯不錯~
見到佢menu上黎緊會有D冬天既熱食款, 一定會再黎食啊~
店家: 嚐仙
地址: 尖沙咀金馬倫道19號地下A舖
Shop A, G/F, 19 Cameron Road, Tsim Sha Tsui
電話: 21192600
營業時間: 星期一至日12:00-23:00
Openrice主頁Here
沒有留言:
張貼留言
歡迎留言分享 : )