而日式燒肉係我地既至愛, 每個trip都起碼要食2-3餐焼き肉~
係昋港 真係好難食返係日本食焼き肉既感覺 … 味道其實係其次, 口感先係最大分別
香港食到既日式燒肉 始終無係日本食到既咁軟嫩…
今次難得有朋友大力推介呢間日燒, 就一於約埋屋企人一齊黎試試
之前一直無發現, 原來尖沙咀B2出口一出 行幾步, 就有間精品酒店:: The Otto
餐廳就係位於酒店既2/F喇~ 超方便既位置
格局有少少似日本的燒肉店, 偏向簡約舒適, 同有神秘感既環境
同時 放置左各式各樣既酒類, 相信酒都係呢度其中一大賣點
仲有騰藍可以放個人物品呢~ 不過其實呢度既枱同椅都好大~ 夠晒位放野呀!
牆上掛住好有日本牧場風味既畫作~ 仲有, 連洗手間既門柄都係牛牛形狀~ 好得意 !
未叫主角之前, 先叫左2款夏季限定既前菜 開下胃先XDD
山葵八爪魚粒生菜包 $48
呢個好平, 但係真係超好食!! (同埋起到開胃既作用!)
因為加左Wasabi 八爪魚粒都幾辣, 但用新鮮既生菜包住 就岩岩好!
清新包住微辣, 加埋八爪魚既爽口, 成個組合好正, 好好味~~
慢煮牛後腿配芥末醬 $128
慢煮既關係, 望落肉色會偏紅, 但食落就知係熟架, 而且肉質好軟腍~
呢一碟 牛味唔算太突出, 所以覺得可以加多少少Wasabi 啊~
食完前菜, 就到我地最期待既::: Beefar’s全牛盛合 $998 (4人用)
Total有8款個牛肉部位啊~ 有D仲係稀少部位呢!
先用牛脂起爐 (同日本一樣啊☺)
呢度供應既係薩摩牛, 重點係牛肉每日由唔同日本自家農場 直接新鮮運黎!
仲係由獲獎既專業飼養員飼養, 用既飼料都好講究, 令人不禁對肉質好期待!
Menu有寫返日本總廚建議既食用次序~ 我地當然乖乖咁跟啦
上等牛舌
比一般薄切牛舌厚身返少少, 有口感D, 燒到半熟就食了~
肉汁很豐富, 牛味亦重, 所以… 仲未沾枱面上既醬汁 XD
特上牛肋肉
呢個係極品啊~ 如果散叫既話 都一定要叫呢一個啊!!!
真係食得返係日本食燒肉既味道喇!!!
其實淨係睇佢既油花分佈已經知道好靚, 分佈得好平均
肉質好軟嫩🤤🤤🤤 有入口即溶既感覺, 每一啖都係滿滿既油脂, 好想encore
牛肋肉
可能食完特上牛肋肉, 呢一個對比起黎即刻失色
雖然呢一個既牛味都好香濃, 但係口感就無上面個個 咁入口即溶喇
特上肉眼
切成骰子形狀, 初頭都怕中間會難熟 但好彩燒完個效果又唔錯
而且估唔到連呢個都有少少入口即溶呢!!
側腹橫肌&牛赤肉
相對起黎, 呢兩個部位既牛味 無上面食過既咁重~ 但係肉質仍然係好軟嫩
呢度既牛肉 肉質真係有水準保證
特上西冷
係牛味好好好濃郁既一款 !! 食落有咬口, 沾上少少鹽, 將牛味再提升, 好正呀
而且亦有重重既油脂感!!!
和牛面頰
咁快去到最後喇… 係咁多款入面最薄身既一款
雖然薄, 但仍然食到肉汁同香濃既牛味, 整體很不錯
見到有期間限定既夏天特飲, 就揀左2杯黎試試 : )
菠蘿Pina Colada $48
呢個超好飲 超岩我地既口味! 係菠蘿汁+椰漿 !!
菠蘿汁鮮甜, 同椰漿超夾~
荔枝Mojito $48
呢一款比較清新~ 除左有荔枝既香甜味之外, 仲加左薄荷葉同青檸
食完燒肉飲佢 都幾適合
差d講漏, D肉太好食 所以我地唔覺意食左好多碗飯 $18/碗
整體黎講 呢一間既牛肉質素好講究, 我地特別欣賞肉質口感啊
同埋服務好周到, 環境亦都整潔, 對燒肉有要求既 不妨試試呢一間
店家: Beefar's 鹿兒島燒肉
地址:尖沙咀金馬倫道8號The Otto酒店2樓
2/F, The Otto Hotel, 8 Cameron Road, Tsim Sha Tsui
電話: 25576286
營業時間: 星期一至五11:30-15:00, 18:00-00:00, 星期六及日11:30-00:00
Openrice主頁Here
沒有留言:
張貼留言
歡迎留言分享 : )