一間以包做主題既小店 位於元朗一個寧靜小角落
聞說剛開業時總要大排長龍 好彩今日比較早黎到 唔使等 : )
雖然係一間街邊小店 但裝修簡約有心思
而將一部分外牆以植物牆呈現 令人感覺特別悠閒, 清新~
呢度既主打食物 係無骨雞翼包 食雞翼唔使lur骨 聽落已經好吸引>v<
配既醬汁幾乎每款都係絕配, 的確令人有點選擇困難...
除左4款無骨雞翼包外, 佢仲提供左一款素食款: 焦糖洋蔥大啡菇包
另外仲有一款秘製慢煮豬腩肉包
雖然都好吸引, 但係對於特別鐘愛雞翼既我地 雞翼係不二之選!
呢度其實係無坐既位置, 所以食物都係用外賣包裝裝好
不過小店對開有一排小小既位置勉強可以坐到
包都係新鮮食最好~ 即使半站半坐唔係太舒適 我地決定都要襯熱食~~
蜂蜜無骨雞翼包 $35
如果唔係想影相既朋友, 強烈建議唔好打開個包裝紙
因為d汁會漏晒出黎.....好狼狽...XDDDD
三隻分左一半既雞翼配上洋蔥, 青瓜片同生菜, 每一件都沾滿甜甜既蜜糖~ 食落的確係有種滿足感!
可惜食得有少少狼狽... 雞翼太細隻 好容易食食下走晒位XD
食到最尾...就只有生菜既陪伴~
個人覺得如果唔將雞中翼切細 可能會食得方便D~
另一款我覺得比蜜糖更好食既 -- 香蒜椒鹽無骨雞翼包 $35
香蒜份量一d都唔吝嗇 見到每隻雞翼都炸得好香脆
食落唔會過咸 而且仲有少少沙律醬 夾埋一齊都好match!
值得一讚既係佢既意大利包都係自家製造
外皮夠鬆脆 而包心就軟熟~~~ 呢款好好味呀♥
唯一既問題係..... 食完都係好唔夠飽 xdd
直接可以去食下一餐正餐了!
店家: 好包 Couple & The Bao
地址: 元朗西菁街2號興旺樓地下1C號鋪
Shop 1C, G/F, Hing Wong Building, 2 Sai Ching Street, Yuen Long
電話: 6856 4772
營業時間: 星期二至日 12:30-20:30
Openrice主頁Here
沒有留言:
張貼留言
歡迎留言分享 : )