身處旺角 雖然食肆林立... 但正正因為選擇太多 好多時都會有選擇困難 XD
而今晚又出現同樣情況之際經過呢間冰室 見到門口放住各式各樣新鮮出爐既蛋撻, 雞尾包等等
諗都唔使諗就入左去食!! XDD
亦都見到有唔少人叫今晚既晚餐~
同行朋友都唔例外 選擇左精選晚餐~
晚餐$68包左餐湯: 華露夫忌廉湯, 自家製餐包, 紅酒野菌燒豚肉伴虎蝦同飲品
望落普通既餐包, 入面竟然塗左滿滿既鮮牛油!!
熱辣辣上枱 麵包軟熟 一定好食!♥
今晚晚餐既主菜係紅酒野菌燒豚肉伴虎蝦
雖然只係試左幾啖 但個人覺得呢個質素只屬一般..
意粉單靠蕃茄蓉調味 個人覺得唔係好夠味 同埋有少少偏酸..
而虎蝦 其實即係普通中蝦 無乜蝦既鮮味 亦唔夠彈牙爽口..
而燒豚肉 肉質唔夠靚 咬落去得個淋字... 無乜口感
但煎得尚算香脆!
常餐類呢度有3個選擇"常餐, King餐, 特餐"
因為想食瑞士雞翼 所以揀左King餐 XDD
King餐: 瑞士雞翼撈公仔麵, 北海道牛乳炒蛋, 丹麥多士, 飲品 $53
估唔到呢個又驚喜地好食~~ 有3隻雞中翼連翼尖
大隻之餘滷水味好入味~!! 公仔麵軟硬度剛剛好~~~
而且份量唔少 食完呢個餐會好夠飽 ..~
最令人期待既其實係跟餐既呢個炒蛋同多士~!!!
蛋香味非常濃郁,,,,, 每一啖都好實在食到好厚實又滑既炒蛋!♥
多士雖然唔係丹麥多士... 不過都烤得好好食 唔會過火
而重點其實係單點既出爐酥皮蛋撻 $6
雖然已經影相影耐左 放左一陣先食... 但仍然無減佢既魔力♥♥♥
蛋香味好濃, 最正係佢個酥皮呀 !!!!! >v<!!!
好多層既酥皮, 鬆化又香脆, 食完超想即刻再叫多個>v<!!!
人愈大 愈發現自己鐘意地道港式野.. 簡簡單單 但叫人滿足
$130免加一 已經擁有一餐又飽又好食既晚餐!~~
店家: 紅茶
地址: 旺角通菜街186號地舖
G/F, 186 Tung Choi Street, Mong Kok
電話: 2670 6628
營業時間: 星期一至日 7:00-23:00
Openrice主頁Here
沒有留言:
張貼留言
歡迎留言分享 : )