有驚喜的上海菜館 [百樂小館@尖沙咀]

百樂小館呢個名好似聽左好耐... 但都係第一次黎食飯=D

佢menu...實在太多太多選擇了.... 不能盡錄...
但價錢係非常合理既 唔會貴, 而且大部分菜式都有"小份"同"例牌"可以揀, 人多人少都岩叫~~!

之前上網見到大家都推介既 雜菌炒牛仔粒 $78
果然係超級惹味! 呢碟牛...食到最尾都仲係熱辣辣 已經好值得一讚!
牛仔粒鮮嫩易咬, 除左醬汁既調味外 仲不時會夾雜住炸蒜片
但係最鐘意都係佢d菇 好juicy 仲索晒醬汁既味道~~~
呢款值得一試再試!!

本來其實係想叫時令燉靚湯;D 但係賣晒 T___T!
所以改為呢個 咸菜豬肚湯 (1位$58/2位$98/4位$128✓)
因為我本身唔食豬肚架XDDD 所以都評論唔到d乜...
但湯係幾香胡椒味... 同埋多湯料既~~


跟住黎到呢度既其中一道招牌菜麻醬手撕雞 (半隻$98✓/一隻$188)
利用走地雞泡製而成既手撕雞 雞味果然濃郁~~~
略嫌麻醬太多... 會蓋過左本身既雞味!
不過都值得一試!! 而且半隻份量都唔少呢~


滷水雙拼(小份$88/例牌$128✓)
我地揀左鵝片拼墨魚片~ 呢碟就無乜特別 鵝味都唔係特別出... 一般般~


瑤柱蛋白炒飯 (小份$88✓/例牌$忘記了...)
炒飯又令我地食指大動了~~~ 飯粒粒粒分明 瑤柱分量一d都唔吝嗇 仲炒得好乾脆~~!!!
蛋白都多得過份... 係我係街度食過到最多蛋白既瑤柱蛋白炒飯~
配埋香蔥一齊炒 成個飯都香噴噴 大推介呢個飯! : )

黃金炸雙棗 (各2粒$60✓/各4粒$120)
可惜既係最後既炸物竟然令人失望....... /___\
係2粒炸蝦球同2粒炸蟹肉餅.... 兩者都無本身應有既鮮味
口感亦久奉.... 如果唔沾醬汁直情係無咩味道可言.....
(幸好無叫各4粒 ~_____~)

最後埋單$737/4位 其實前菜同茶錢相對起食物都幾貴
如果可以 下次我地會選擇唔要兩碟前菜 (或者只要一碟都ok了....)
而佢餐牌上其實都仲有好多我地想試既款式, 特別係甜品都有好多款!! 所以仍然會再黎 : )

店家: 百樂小館 Chateh
地址: 尖沙咀彌敦道132號美麗華商場食四方4樓4A1-4A2號舖
Shop 4A1-4A2, L4, FoodLoft, Miramar Shopping Centre, 132 Nathan Road, Tsim Sha Tsui
電話: 2157 9949

營業時間: 星期一至日 11:00-22:30
Openrice主頁Here