期望過高的懷舊西餐廳 [大角咀-金船長]

呢間西餐其實都出名左好耐... 我自己就係好多年前已經黎過一次...不過已經無乜印象
所以當今日朋友提議想黎食既時侯 都想再黎試下
特別係重溫返佢既得獎食物 - 黑松露Pizza係咩滋味!


其實佢都仲有幾款唔同既Pizza既~
不過一埸黎到, 就緊係要試呢度獨有, 而且仲攞過第五屆明火食神爭霸戰健康菜式組銀獎既黑松露菌醬意式馬斯卡普芝士夾心比薩 (6吋 $108, 9吋 $168)
(味道:7/10, 份量:8/10)

我地有4個人, 所以叫左9吋size~
可惜...可能係期望過高了...聞係聞到好香濃既松露味, 但係食落口就消失了..........
反而芝士味更濃, 感覺都係食緊片芝士餅多過似有松露...

不過餅的確係做得幾鬆化~~ 口感黎講係OK
員工都好有耐性咁介紹返呢款Pizza既三種食法...
即係就咁食, 加提子醋食同埋連埋碟旁既溫室豆苗同雜菜一齊食
個人黎講就覺得就咁食已經係最好既食法喇~
(當下其實真係有少少失望....XDDD)

好彩既係, 之後叫既食物反而唔錯!!

under小食類既法式焗蒜蓉包 $30 (味道:8/10, 份量:6/10)
叫之前完全無諗過原來係咁既樣XDDDD
第一下覺得有d呃錢....30蚊得六條蒜蓉幼條...
但食落原來有好重好重既蒜蓉香味, 而且焗既時間岩岩好, 脆得黎唔會過火, 仲熱辣辣... 所以質素都係幾高的~

佢都仲有幾多小食類可以選擇~~


之後當然要叫返個飽食醫醫肚...
法國鵝肝牛柳粒炒飯 $118 (味道:8.5/10, 份量:7/10)
意想不到地, 飯粒分明之餘, 每粒飯都佈滿左鵝肝香氣!!♥
基本上炒飯唔使落過多既調味已經好好味了!!!
而且當中鵝肝粒同牛柳粒既份量都唔少~~~~ 呢個炒飯高質^^

呢度供應既飯類款式唔算太多


最後..見到佢都有幾多main course供應...就比豬手吸引左=P
蜜糖焗豬手配蜜糖燒汁 $168 (味道:7/10, 份量:6.5/10)
有一個好處, 食呢度既豬手唔會好似去德國餐廳食咁熱氣
佢焗出黎係淋身既, 而且淋係面既醬汁都幾多... 不過唔係啖啖都食得出蜜糖味..某d部位既甜味會濃D~
但係隻豬手都幾細隻......T^T 試過一次就夠...

其他主食~~~

4個人咁食其實已經好飽....因為個黑松露Pizza都好飽肚下架~
埋單$532, 價錢算係合理~
下次黎食, 會揀係下午茶時間黎, 見到門外menu, 三四十蚊都有交易, 抵食好多XDDD


餐廳資訊:
店家: 金船長餐廳 Golden Captain Restaurant
地址: 大角咀大全街55號3A
Unit 3A, 55 Tai Tsun Street, Tai Kok Tsui
(港鐵奧運站 B 出口, 步行約7分鐘)
電話: 2381 7369
營業時間: 星期一至日 11:00-23:00
Openrice主頁Here