發現新大陸XDD 非一般既茶記! @旺角佳人餐廳

點解係非一般既茶記... 因為係呢度, 你可以食到原隻燒春雞, 可以食到韓式串燒, 仲可以食到Pizza......@___@

燒春雞套餐... 並唔只呢一個, 我地就叫左一個係店內見到既poster先有既燒春雞+大Pizza套餐~

Pizza款足足有成兩頁! 而且D材料既配搭好特別!

鐘意試新野既人岩晒~~~ ; >

為食既我地一早已經諗好要食春雞餐~~~

食燒雞之前再叫左2串串燒頂下肚先~~

串燒牛柳粒$11  串燒墨魚咀$11

雖然明知咁平都唔會話好特別好食, 但上枱個下都難免有少少失望...XD

因為兩樣野都好細粒, 同埋個醬幾乎差唔多味... 所以冇乜特別好食, 叫做過下口癮 XD

等左一陣, 連跟餐既Pizza都到喇~~

呢個係特惠套餐, 包:

原隻香草燒春雞+2碗餐湯+1個大Pizza=$138

其實真係好好好好抵....同埋其實2個人真係要好勉強先可以食得晒!!

我地揀既係科學怪人Pizza, 我一早已經比佢個名吸引住喇=PPP

科學怪人既材料有: 蕃茄醬, 菠菜, 雞蛋, 香蒜, 芝士

剛剛食第1塊個陣真係會有D唔慣... 係一片比蛋味充斥住既Pizza~~

好彩後來食食下D芝士味都出返黎, 而Pizza唔會焗得過乾

成份都幾厚身, 我同朋友都決定下次黎會再試其他款既Pizza~

最後終於到期待已久既主角出場!!!!!! (happy!!)

原隻香草燒春雞^0^!!!!!!

真係好正...... 就算當時已經係飽住個肚咁食 一樣係咁正...

雞燒得超香脆, 外皮既每個位置都醃左惹味既香草調味

啖啖都好好味同啖啖肉..... 感覺係幸福得黎又邪惡...

明明知道好熱氣, 都唔願意放棄任何一啖~~~!!

想食燒雞既話 highly recommend黎呢度食!!

最後...想貼多一張, 呢張係之前黎食下午茶餐影既相: )

個陣佢既炸脾已經令我留下好深刻既印象 =D

$30既下午茶餐 大大隻炸脾 今時今日既香港真係唔係咁易搵到

所以我會多多支持呢d價錢公道 著重食物質素而唔係淨係講環境同包裝既食肆 : )

餐廳資訊:
店家: 佳人餐廳
地址: 旺角洗衣街149號A地下 (港鐵旺角站 B3 出口, 步行約5分鐘)

電話: 2390 3123
營業時間: 星期一至日 11:00-23:00
Openrice主頁Here