幾抵食既大型上海菜館🎈 [樂天皇朝@旺角]

黎自新加破既樂天集團.. 之前係大角咀返工時已經食過一次Lunch~
對佢印象極好呀.. 除左環境靚, 服務好同野食質素高.. 佢仲有一樣好正既野..
就係好多款菜式都有 (大) (細)之分~ 符合到唔同食量既人~
大角咀個一間係叫”樂天經典”… 今次黎呢間係位於旺角既”樂天皇朝” 唔知有無唔同呢~

晚上7:30左右黎到.. 已經見到要等位喇.. 好彩我地一早訂左位 : D
食物真係好多款… 多到唔知點揀好>v< 不過呢度無分大細Size… 唔知係咪經典先至有分呢~




環境都幾有氣派呢~!! 而且好光猛…

不時見到充滿中國風既設計~

食物既上菜速度都幾高呢~~


有8隻色既 皇朝小籠包$108 基本上係一定會叫的~~
因為係呢度首創, 有成8款口味既小籠包~!!
分別係:: 原味, 人參, 鵝肝, 黑松露, 芝士, 蟹粉, 蒜香同麻辣
平時食小籠包食到悶悶地既你.. 食呢個真係幾岩~ 咁多款味 好新鮮!!
而且唔好以為佢淨係得個樣… 其實真係分得出邊隻打邊隻架 (食入口個陣XD齋睇樣就有D難分XDD)
我同屋企人一共4位~ 所以… 我只係獲分配試得2隻 T___T

分別係鵝肝同芝士!!! 芝士食到中間先至最有芝士味 因為芝士都集中晒係中心度~ 但係就算唔講個芝士味, 佢本身個小籠包係有好充足既肉汁, 所以本身都已經好好味!
而第二款試既係鵝肝味~ 佢唔係真係有好重既鵝脂係入面,,, 但係食得出有少少咸香既味道, 幾特別~!!


另外我家人話麻辣味真係幾辣下… (好彩我無試到LOL) 同埋松露味係最突出架!!
下次再黎我一定要試埋 T____T


上海風味醬鴨 $48
呢度咁多款食物… 叫D冷盤就岩晒~ 唔驚太多太飽
食落去味道唔會太咸, 淡淡的醬油香~ 不過我地覺得肉質可以再鮮嫩D呢~!!


皇朝話梅骨 $88 呢個有驚喜
初頭仲有D擔心會食唔慣話梅味.. 結果原來味道都好易入口~ 加上佢好熱辣辣咁樣上枱特別好味~

清炒白菜苗 $65 原本只係為左健康先叫.. 唔會對一碟菜有特別期望..
但食完又真係想讚下佢喎XDD 菜本身又鮮又嫩.. 炒完都唔會太油, 不錯!!



揚州炒飯 $82
同樣地.. 幾鐘意佢呢度既野唔會太油!! 岩晒注重健康既我地呀!!
飯粒粒粒分明, 而且蝦仁既數量都幾多呢~ 但略嫌唔夠蛋香~


蟹粉豆腐 $128
呢個令人有少失望呢… 首先實物賣相同MENU上面既相都差幾遠… /_\
其次就係蟹粉味唔夠出… 不過豆腐就真係好滑溜


最後一道::: 京醬肉絲 $85
呢個真心覺得好推介~~ 首先, 肉絲份量真係比足架,,, 一整碟都係惹味既肉絲+清香既京蔥!

餅皮亦都夠薄同埋最重要:: 夠熱辣辣!! 包埋一齊食就是滿足!
餅皮大約有8-10塊~ 包完晒仲有好多肉絲可以空口食XDD



整體黎講係不錯的上海菜館呢~ 價錢亦都唔係貴, 性價比都幾高
難怪成晚都坐滿晒… 如果超過3人既話就有限食1.5小時~
不過呢度上菜快 所以都一定食得切!
係可以回頭既一間餐館.. (而且佢咁多款, 好多都仲想試! XD)

店家: 樂天皇朝 Paradise Dynasty
地址: 旺角彌敦道639號雅蘭中心2樓203及205號舖
Shop 203-205, 2/F, Grand Tower, 639 Nathan Road, Mong Kok
電話: 21773456
營業時間: 星期一至日11:30-23:00
Openrice主頁Here